რა კავშირშია ადამიანი და სამოსი, რომელიც გვაცვია? შეუძლია თუ არა ტანსაცმელს, შეგვიცვალოს ენერგია და ვიბრაციები, ან თუნდაც, აგვიმაღლოს განწყობა? ალბათ, არც კი გიფიქრიათ ამაზე. რეალურად ჩვენი ფსიქიკური, ემოციური და ფიზიკური სხეული ფორმირდება იქიდან გამომდინარე, თუ რასთან გვაქვს ურთიერთქმედება, – იგულისხმება გარემოცვა, ადამიანები, სოციუმი, სხვადასხვა ფსიქოენერგეტიკული სტრუქტურა, მათ შორისაა საკვებიც. სულ ახლახან აღმოვაჩინე საინტერესო ფაქტი იმის შესახებ, რომ სამოსსაც აქვს გავლენა იმაზე, როგორი განწყობა გვიყალიბდება დღის განმავლობაში. არავისთვის არ არის საიდუმლო, რომ ადამიანის სხეულს აქვს ელექტრომაგნიტური ველი და ამ ვიბრირების სიხშირე არის – 100.
2003 წელს ებრაელმა ექიმმა-მეცნიერმა – ჰაიდი იელენმა ჩაატარა ექსპერიმენტი და აღმოაჩინა, რომ ქსოვილსაც აქვს ვიბრაციები და სიხშირეები. ორგანულ კოტონს ჰქონია ისეთივე სიხშირე, როგორიც ადამიანს. ეს იმას ნიშნავს, რომ კოტონი არ გვიცვლის ელექტრომაგნიტურ ველს, ვიბრირების სიხშირეს, არ მოქმედებს ჩვენს ემოციებსა და განწყობებზე. მისივე ექსპერიმენტის მიხედვით, თუკი გვაცვია სამოსი, რომელიც სიხშირით არის დაბალი, ვიდრე ადამიანის საშუალო სიხშირე, მოქმედებს ჩვენს სხეულზე. დაავადებული და სიკვდილის პირას მყოფი ადამიანის სიხშირე არის – 15. ეს არის ის სიხშირე, სადაც ვიბრირებს 100%-იანი პოლიესტერი. შესაბამისად, როდესაც გვაცვია პოლიესტერი, არ უნდა იყოს გასაკვირი, რომ ჩვენი მაგნიტური ველი იცვლება და ვიწყებთ ვიბრირებას შედარებით დაბალ ვიბრაციებზე და შესაძლია მივიზიდოთ ნეგატიური გამოცდილებები, რადგან ცნობილია, რომ მსგავსი იზიდავს მსგავსს. პოლიესტერი ვიბრირებს 15-ზე, ისევე როგორც სელი და აბრეშუმი. არაორგანული კოტონი დარეგისტრირდა, როგორც 70 სიხშირის მქონე. თუ სამოსის სიხშირე არის უფრო მაღალი, ვიდრე ადამიანისაა, განწყობებსა და ემოციებს სწევს უფრო მაღლა, ამ კუთხით ყველაზე ძლიერი აღმოჩნდა ტილო. თუკი 100%-იანი ტილოს ქსოვილი გვაცვია, გვაძლევს ენერგიას და გვიცვლის განწყობას, რადგან მისი სიხშირე წარმოადგენს 5000-ს. ასევე 5000 სიხშირის მქონეა სუფთა შალი, მაგრამ საინტერესო ის არის, რომ თუ ჩვენ ვატარებთ ქსოვილს, რომელიც აბრეშუმისა და შალის ნარევია, აბათილებს ერთმანეთს და სიხშირე 0-მდე ეცემა. იგივე ხდება ტილოსა და შალის შემთხვევაშიც. მათი ენერგეტიკული ველი საპირისპირო მიმართულებით მიემართება.
შესაბამისად, ეს ყველაფერი მიგვანიშნებს იმაზე, რომ ყოველდღიურ ჩაცმულობას ძალიან დიდი მნიშვნელობა აქვს ჩვენს განწყობასა და ემოციურ მდგომარეობაზე.
