არაფერი ჯობს გაზაფხულზე ღია სივრცეში, მეგობრებთან, ან საყვარელ ადამიანთან ერთად კომფორტულად მოკალათებას. OK! ეცადა, საუკეთესო რეკომენდაციები მოეცა თქვენთვის გაზაფხულის საღამოების გასატარებლად. შევარჩიეთ ამ სეზონისთვის ყველაზე ტრენდული და საუცხოო ადგილები, სადაც ერთადაა თავმოყრილი გემრიელი სამზარეულო, კარგი მუსიკა, საუკეთესო ხედები და გამორჩეული სერვისი. გიზიარებთ მათ ჩამონათვალს:
ჯინჯერი
ეს ხედები არავის დატოვებს გულგრილს. თბილისის გულში, მთაწმინდისა და ვერის უბნის გასაყარზე თბილისური აივანი დაგხვდებათ, სადაც იდეალურად ერწყმის ერთმანეთს გემრიელი, ქართული სამზარეულო, უამრავი მცენარე, ჩიტების ჭიკჭიკი და ყველასათვის საყვარელი, ქართული ჰანგები. ნებისმიერი წვეულებისა და მეგობრებთან შეხვედრისთვის იდეალური ადგილია პოლიკარპე კაკაბაძის 49-ში. აქ გადაღებული ფოტოები კი ნამდვილად დაამშვენებს თქვენს კოლექციას.
კრაფტ ჰაუსი
ქალაქის საუკეთესო ხედები, განსაკუთრებული მომსახურება და სასიამოვნო ატმოსფერო. საუკეთესო ყავა, საერთაშორისო სამზარეულო და საფირმო კოქტეილები მთელი მსოფლიოდან. ქალაქის ცნობილი ბურგერი და სპორტის მოყვარულთა საყვარელი თავშეყრის ადგილი. „კრაფტ ჰაუს“ ბარი შესანიშნავი ადგილია შუადღის მოკლე შესვენებისთვის, ენერგიული პარასკევი საღამოსთვის თუ უქმეების ნაყოფიერად გატარებისთვის. ცოცხალი მუსიკა და BBQ დამატებით ელფერს შესძენს თქვენს საღამოს, მეგობრებთან თუ ოჯახის წევრებთან ერთად გასატარებლად. „კრაფტ ჰაუსი“ დასამახსოვრებელი მომენტებისა და გამოცდილებებისთვის „შერატონ გრანდ თბილისი მეტეხი პალასში“.
რესტორანი „ათი“
ყველასათვის საყვარელი „შერატონ გრანდ თბილისი მეტეხი პალასის“ მე-10 სართულზე მდებარე, ATI რუფტოპ რესტორანი, ეს არის თანამედროვე ქართული სამზარეულო, ბარი, ტერასა და ლაუნჯი. დახვეწილი ინტერიერი, საუკეთესო პანორამული ხედი ქალაქზე და განსაკუთრებული მომსახურება ზუსტად ასახავს ქართულ სტუმარმასპინძლობის კულტურას და ყოველთვის ახალი აღმოჩენაა ქართველი თუ უცხოელი სტუმრისთვის. „ათის“ კულინარიული გუნდი დაკომპელქტებულია სხვადასხვა რეგიონის წარმომადგენლებისგან – ყველა მათგანს საკუთარი წვლილი შეაქვს ძველი ტრადიციული გემოების აღდგენასა და მათ თანამედროვე რეცეპტებთან მორგებაზე.
ათი – ათჯერ უკეთესი გამოცდილება!
burger lions
ბურგერების მოყვარულებმა ეს ბრენდი კარგად იციან და მალე უკვე ამერიკაშიც გაიხსნება „ბურგერ ლაიონსის“ ფილიალი.
burger lion-ის დამფუძნებელი პირობას დებს, რომ ქართული კომპანია სულ რამდენიმე წელიწადში გახდება მსოფლიო ბრენდი. მანამდე კი ამ ორ მისამართს ეწვიეთ: ვაჟა-ფშაველას 78ა. შეშელიძის 122
Golden Tulip Design Tbilisi
Golden Tulip Design Tbilisi-ის ღია ტერასიდან თბილისის ყველაზე ლამაზი პანორამული ხედი იშლება.
რესტორანი ავლაბარში, ქეთევან წამებულის გამზირის 37 ნომერში მდებარეობს და სასტუმროს შენობის მე-8 სართულზეა განთავსებული.
სტუმრების განსაკუთრებულ მოწონებას იმსახურებს უახლესი ტექნოლოგიით მომზადებული საავტორო კოქტეილები და საერთაშორისო სამზარეულოს გამორჩეული კერძების ახალი ვარიაციები.
