PSP – ჩემი ოჯახის აფთიაქი, საქართველოს ფარმაციის ლიდერი, ხარისხის გარანტი, ევროპული ღირებულებების მქონე კომპანია წარმოგიდგენთ უჩვეულო და სახალისო საახალწლო ტრადიციებს.
ესპანეთისა და ეკვადორის მსგავსად, კოლუმბიაშიც დამკვიდრებულია 12 წამში 12 ყურძნის მარცვლის ჭამა და „ძველი წლის“ გამომხატველი ფიგურების დაწვა, თუმცა ერთი ტრადიცია სამხრეთ ამერიკის ამ ქვეყანას ნამდვილად გამოარჩევს დანარჩენებისგან: კოლუმბიელებს სჯერათ, რომ საახალწლოდ ქუჩებში მცირე ზომის თუ მოზრდილი ცარიელი ჩემოდნებით მოსიარულე ადამიანებისთვის ახალი წელი მოგზაურობებით დახუნძლული იქნება. მოგზაურობისთვის მზადებასთან ერთად, საცვლების ფერსაც ფრთხილად არჩევენ წინასაახალწლოდ − როგორც კოლუმბიაში, ისე სხვა მოსაზღვრე თუ არამოსაზღვრე ქვეყნებში. კოლუმბიელებისთვის, მაგალითად, ბედნიერებისა და წარმატების ფერი ყვითელია და ამიტომ ახალ წელს ცდილობენ, ყვითელი საცვლებით შეხვდნენ.
კიდევ ერთი კოლუმბიური საახალწლო ტრადიცია რამდენადაც უცნაურია, იმდენადვეა სახასიათოც და ახალი წლის ღამით საწოლის ქვეშ სამი კარტოფილის მოთავსებას საჭიროებს. წინასაახალწლოდ კოლუმბიელები სამი კარტოფილიდან ერთს მთლიანად თლიან, მეორეს – ნახევრად, მესამეს კი გაუთლელს ტოვებენ. ახალი წლის დილას, ტრადიციის მიხედვით, თვალდახუჭულები ირჩევენ ერთ-ერთ კარტოფილს, რომელსაც შეუძლია, მომავალი წლის ბედი უწინასწარმეტყველოს. მთლიანად გათლილი კარტოფილი წარუმატებელი და ფინანსურად წამგებიანი წლის მანიშნებელია, გაუთლელი − კეთილდღეობის მომტანად მიიჩნევა, ხოლო ნახევრად გათლილი კარტოფილი საშუალოდ რთულ წელს მოასწავებს − წარმატებებითა და მატერიალური გამოწვევებით.
