PSP – ჩემი ოჯახის აფთიაქი, საქართველოს ფარმაციის ლიდერი, ხარისხის გარანტი, ევროპული ღირებულებების მქონე კომპანია წარმოგიდგენთ უჩვეულო და სახალისო საახალწლო ტრადიციებს.
იაპონიისგან განსხვავებით, ესპანეთში, ბევრი სხვა ქვეყნის მსგავსად, საახალწლო ზარები მხოლოდ 12-ჯერ ირეკება, თუმცა ახალი წლის დადგომა სახალისო გამოწვევად იქცევა ესპანელებისთვის, რომლებმაც საახალწლო ტრადიციის მიხედვით საათის თითოეულ ჩამოკვრასთან ერთად ყურძნის 12 მარცვლის ჭამა უნდა მოასწრონ. ყოველი მარცვალი მომავალი წლის წარმატებულ და იღბლიან თვეს აღნიშნავს, მაგრამ წელიწადი კეთილდღეობის მომტანი მხოლოდ იმ შემთხვევაში იქნება, თუ ადამიანი საკმარისად სწრაფად შეჭამს ყურძნის მარცვლებს.
ისტორიულად, ამ ტრადიციას 1909 წლის ესპანეთის ზღვისპირა ქალაქ ალიკანტემდე მივყავართ, სადაც ყურძნის უჩვეულოდ უხვი მოსავლის გასაღების გზების ძიებისას ფერმერებმა მსგავს გამოსავალს მიაგნეს და ეროვნულ ტრადიციასაც ჩაუყარეს საფუძველი.
დღეს ყურძნის 12 მარცვლის ჭამის ტრადიცია არა მარტო ესპანეთში, არამედ სამხრეთ ამერიკის ქვეყნებშიც ფართოდ არის გავრცელებული. მეტიც − იმდენად მნიშვნელოვან ტრადიციად მიიჩნევა, რომ მადრიდისა და ბარსელონას მოედნებზე ხალხი ყოველწლიურად იკრიბება წინასაახალწლოდ, რათა ერთმანეთს გაეჯიბრონ, უგულშემატკივრონ ტრადიციული გამოწვევის შესრულებისას და რა თქმა უნდა, საახალწლო დღესასწაულიც ერთობლივი მხიარულებით აღნიშნონ.
