PSP – ჩემი ოჯახის აფთიაქი, საქართველოს ფარმაციის ლიდერი, ხარისხის გარანტი, ევროპული ღირებულებების მქონე კომპანია წარმოგიდგენთ უჩვეულო და სახალისო საახალწლო ტრადიციებს.
იაპონიაში ახალი წლის წინა ღამეს ბუდისტური ტაძრები მთელი ქვეყნის გარშემო რეკავენ ზარებს, ოღონდ სხვა კულტურებისგან იაპონურ ტრადიციას ის გამოარჩევს, რომ ტაძრები 12 საათის შესრულებამდე 107-ჯერ, ხოლო ზუსტად ღამის 12 საათზე უკანასკნელი, 108-ე ზარით ეგებებიან ახალ წელიწადს. ეს რიცხვი ბუდისტური ტრადიციის მიხედვით ადამიანის ხორციელი ცოდვებისა და მანკიერებების რაოდენობას აღნიშნავს, რომლებიც სათითაოდ უნდა განიდევნოს საახალწლო რიტუალის დროს და ადამიანებიც განიწმინდონ წინა წლის ცოდვებისგან.
108 ზარის შემდეგ კი ახალი წლის დადგომას იაპონელები ტრადიციის მიხედვით ეგებებიან კერძით, რომელიც „ტოკიტოში სობას“ სახელითაა ცნობილი და გრძელი ატრიით მზადდება. მიუხედავად იმისა, რომ ამ ტრადიციის წარმომავლობის შესახებ ცოტა ვიცით, შესაძლოა, უკავშირდებოდეს კამაკურას მმართველობის პერიოდს XII-XIV საუკუნეების იაპონიაში, როდესაც ბუდისტური ტაძრები გაჭირვებულებისთვის ატრიისგან დამზადებულ საკვებს გასცემდნენ. რადგან თხელი და გრძელი ატრია დამზადებისას თავის ფორმასა და სიმყარეს არ კარგავს, ხშირად ხანგრძლივ და ჯანმრთელ სიცოცხლესთან ასოცირდება, რაც საახალწლო ტრადიციას დამატებით სიმბოლურ ღირებულებასაც სძენს.
