33 წლის სუპერმოდელის, როზი ჰანტინგტონ უიტლის პირველი დებიუტი 2004 წელს შედგა. მისმა არაჩვეულებრივმა სხეულის ფორმებმა და სილამაზემ ფანების ყურადღება მალევე მიიქცია, დღეს კი ის ერთ-ერთი ყველაზე პოპულარული და მოთხოვნადი მოდელია. ის ისეთი ცნობილი ბრენდების სახეა როგორებიცაა Burberry, Jimmy Choo, Victoria’s Secret-ი და სხვა. გარდა იმისა, რომ როზი პოდიუმზე და წითელ ხალიჩებზე შესანიშნავად გამოიყურება, მისი ქუჩის სტილიც დიდი ყურადღების ქვეშ ექცევა, რადგან მოდელი ელეგანტური, დახვეწილი და გემოვნებიანი იმიჯით გამოირჩევა. OK! კი გთავაზობთ როზის გამორჩეულ Street Style მომენტებს.