2026 წელი მოქმედების, ინიციატივებისა და ცვლილებების პერიოდია. თუ გსურთ, რომ მან იღბალი, სიყვარული და სიუხვე მოგიტანოთ, ახალი წლის მთავარი სიმბოლოს დადგმისთვის სწორი დღე უნდა შეარჩიოთ.
ტრადიციულად, ნაძვის ხეს დეკემბრის შუა რიცხვებში დგამენ. ზოგი ცდილობს, რომ ეს მნიშვნელოვანი ფაქტი წმინდა ნიკოლოზ სასწაულმოქმედის ხსენების დღეს – 19 დეკემბერს დაამთხვიოს, რომელიც ზოგიერთ კულტურაში თოვლის ბაბუის პროტოტიპად ითვლება, ზოგი ამ საკითხში ოჯახურ ტრადიციებს მიჰყვება, ზოგი ინტუიციას უსმენს, ჩვენ კი ასტროლოგებისა და ნუმეროლოგები რჩევებს გთავაზობთ:
- 6, 9, 12 და 15 დეკემბერი – ამ დღეებში ნაძვის ხის დადგმა დაგეხმარებათ, რომ სახლში სიხარული და იღბალი მოიზიდოთ.
- 21 დეკემბერი ზამთრის მზებუდობაა, ამ დღეს ყველაზე გრძელი ღამე და ყველაზე მოკლე დღე იქნება. ითვლება, რომ 21 დეკემბერი წლის ერთ-ერთი ყველაზე მნიშვნელოვანი თარიღი და ენერგეტიკულად ძლიერი დღეა. ის ოჯახებს დაცვასა და კეთილდღეობას, ასევე სირთულეებისგან დაცვას ჰპირდება.
- 23 დეკემბერი – მთვარე მერწყულში სტაბილურობის განცდას მოიტანს. თუ ნაძვის ხის მორთვაში მთელი ოჯახი მხიარულად ჩაერთვება, მთელი წელი ამ დადებითი ენერგიით იქნება სავსე.
- 24 დეკემბერი კათოლიკური შობის წინა დღეა, როდესაც სასწაულები ხდება. თუ ნაძვის ხის დასადგმელად ამ დღეს აირჩევთ, მთელი წლის განმავლობაში ოჯახში ჯანმრთელობა და კეთილდღეობა იქნება.
- 25 დეკემბერი – კათოლიკური შობის დღეს, ნაძვის ხის მორთვა სასურველია მათთვის, ვინც სიყვარულისა და კეთილდღეობისკენ ისწრაფვის.
- 26 დეკემბერი – მთვარე თევზებში. ამ დღის ენერგია სურვილების ასრულებაში დაგეხმარებათ, ამიტომ შეგიძლიათ სურვილი ჩაიფიქროთ.
- 29 და 30 დეკემბერი – დღეები, როდესაც სავსე მთვარე კუროში არა მხოლოდ მოახლოებული დღესასწაულის განცდას, არამედ თავდაჯერებას და ბედნიერებას მოგიტანთ.
ხალხური რწმენის თანახმად, ფინანსური კეთილდღეობის მოსაზიდად, უმჯობესია ნაძვის ხე ორშაბათს, სამშაბათს ან ხუთშაბათს მორთოთ.
ხელოვნური ნაძვის ხის დადგმა დეკემბრის პირველივე დღეებიდან შეგიძლიათ, რომ დღესასწაულის ჯადოსნური ატმოსფეროთი რაც შეიძლება დიდხანს დატკბეთ, თუმცა, ცოცხალი ნაძვის ხის ასე ნაადრევად მორთვა სასურვეელი არ არის. სათანადო მოვლის შემთხვევაში, ბუნებრივ ნაძვის ხეს შეუძლია 2-3 კვირამდე გაძლოს, თუმცა, წიწვები რომ ნაადრევად არ დაცვივდეს, ნაძვის ხის მორთვის იდეალური დრო 20-დან 25 დეკემბრამდე პერიოდია.
ასევე დაგაინტერესებთ
#OK! აშშ-ში „წლის ნაძვი“ შეარჩიეს, რომელიც ნიუ-იორკში დაიდგმება – როგორ დაიწყო ტრადიცია?
