ინსულტის შემდეგ პაციენტების უმრავლესობა უჩივის მოძრაობის ან მგრძნობელობის დარღვევის, მეტყველებასთან ან მოსმენილის გაგებასთან დაკავშირებულ სირთულეებს. ამ მდგომარეობის გასაუმჯობესებლად საჭიროა რეგულარული და მიზანმიმართული მკურნალობა. დღეს, თანამედროვე ტექნოლოგიების განვითარებასთან ერთად, ნეირორეაბილიტაციაც სწრაფი ტემპით მიიწევს წინ. ადამიანს ინსულტის შემდგომი მდგომარეობის გაუმჯობესება რობოტული ნეირორეაბილიტაციით შეუძლია. ეს არის უახლესი და ინოვაციური მკურნალობის მეთოდი, რომელსაც ჯანდაცვის სფეროში ერთ-ერთი ლიდერი ბრენდი, Memorial Hospitals Group-ის ნეირორეაბილიტაციის ცენტრი გთავაზობთ. ეს არის სივრცე, სადაც მაღალტექნოლოგიური მკურნალობა და პროფესიონალიზმი აერთიანებს ძალებს პაციენტის ჯანმრთელობის აღსადგენად.
ქეთევან მალაყმაძე, ბიზნესის განვითარების მენეჯერი და საქართველოს გუნდის ხელმძღვანელი: მკურნალობა Memorial-ში არ შემოიფარგლება მხოლოდ დაავადების დაძლევით – ჩვენი მიზანია პაციენტის რეალური, ფუნქციური აღდგენა. რობოტული ნეირორეაბილიტაციის ცენტრი აერთიანებს სამედიცინო გამოცდილებას და ტექნოლოგიურ სიზუსტეს, რაც მკვეთრად ზრდის რეაბილიტაციის ეფექტურობას.
რა არის სარეაბილიტაციო რობოტები?
სარეაბილიტაციო რობოტები იყენებენ სენსორებს, რათა თვალყური ადევნონ ადამიანის ადგილსა და მოძრაობას, შემდეგ ეს ინფორმაცია გამოიყენონ სხვა გარემოში.
სისტემაში ჩართულია სპეციალური რობოტული აპარატურები, რომლებიც ახორციელებენ ზუსტ და განმეორებად მოძრაობებს, ეხმარებიან კუნთებს სწორად მუშაობაში და ტვინს ასწავლიან დაკარგული ფუნქციების აღდგენას.
გამოყენებული მოწყობილობები მოიცავს:
- ფეხის რობოტული მოძრაობის ტრენინგი
- ხელის მობილობის ვარჯიში
- ვერტიკალიზაცია, წონასწორობა და ბალანსი
- სიარულის და კოორდინაციის განვითარება ვირტუალური რეალობით.
თეონა ბოლოკაძე, თბილისის წარმომადგენლობის კოორდინატორი: რობოტებს შეუძლიათ განახორციელონ ეს ვარჯიშები თერაპევტების მეთვალყურეობის ან კონტროლის ქვეშ, რაც მნიშვნელოვნად აუმჯობესებს კლინიკურ ეფექტურობას და ამცირებს თერაპევტების ფიზიკურ შრომას. რობოტები დიდ დახმარებას სთავაზობენ ადამიანებს, რომლებსაც აწუხებთ კიდურების დისფუნქცია ინსულტის ან სხვა დაავადებით გამოწვეული.
გარდა იმისა, რომ სასარგებლოა როგორც კლინიკური თერაპია, ამ აქტიურ დამხმარე რობოტულ ტექნოლოგიებს შეუძლია გაზომოს და შეინახოს პაციენტის ფუნქციის პარამეტრები, რაც დაგეხმარებათ გრძელვადიან კლინიკურ შეფასებაში. შედეგად, მათ შეუძლიათ დაეხმარონ თერაპევტებს მიზნების დასახვასა და მკურნალობის დაგეგმვაში.
ვისთვის არის?
მკურნალობა ეფექტურია სხვადასხვა ნევროლოგიური მდგომარეობის დროს, როგორიცაა:
- ინსულტის შემდგომი მდგომარეობა
- ზურგისა და თავის ტვინის ტრავმები
- პარკინსონის დაავადება
- სკლეროზი
- ცერებრალური დამბლა
- გენეტიკური და შეძენილი ნევროლოგიური დარღვევები
მკურნალობის შედეგი?
ქეთევან მალაყმაძე: მკურნალობის ეფექტი თვალსაჩინოა როგორც ფიზიკურად, ისე ემოციურად. პაციენტები არა მხოლოდ განიმტკიცებენ მოძრაობის უნარს, არამედ იძენენ თავდაჯერებას, რაც მათ ცხოვრების აქტიურ რეჟიმში აბრუნებს.
სესიები ტარდება ინდივიდუალური გეგმის მიხედვით, ხოლო პროგრესი იზომება თანამედროვე შეფასების სისტემებით, რაც პაციენტს მკაფიო წარმოდგენას აძლევს საკუთარი წინსვლის შესახებ.
თეონა ბოლოკაძე: მოხარულები ვართ, რომ ქართველი პაციენტებისთვის ამ ინოვაციური მეთოდის, მაღალი სტანდარტის, ხარისხიანი მომსახურების შეთავაზება შეგვიძლია. Memorial-ის თბილისის წარმომადგენლობა უზრუნველყოფს სრულ კოორდინაციას: კონსულტაციის დაგეგმვა, სამედიცინო დოკუმენტაციის გაცვლით მკურნალობის დაგეგმვა და მხარდაჭერა, პაციენტის ტრანსპორტირება და შემდეგი ნაბიჯების მონიტორინგი.
ტექსტი: სოფიო მალანია
ფოტო: ალექსეი სეროვი
