ჯანსაღი ცხოვრების წესი ბევრი ადამიანისთვის ხშირად მხოლოდ მკაცრ დიეტებთან და რეგულარულ ვარჯიშებთან ასოცირდება, თუმცა ასე სულაც არაა, რიზ უიზერსპუნი იმ ადამიანთა რიცხვს მიეკუთვნება, რომლის აზრითაც ნებისმიერი სახის საკვების აკრძალვა მიუღებელია. ფიზიკური დატვირთვა, მეგობრებთან და ოჯახის წევრებთან ერთად დროის გატარება, სიცილი, გართობა, პოზიტიური აზროვნება და ნაკლები ნერვიულობა, მისი აზრით, ჯანსაღი ცხოვრების წესის განუყოფელი ნაწილია. ამჯერად გავეცნოთ კონკრეტულ დეტალებს რიზ უიზერსპუნის შესახებ, რომლებიც მას ჰოლივუდის ერთ-ერთ ყველაზე “ჯანმრთელი ვარსკვლავის” მქონე ქალ მსახიობად აქცევს.
- ვარჯიშობს იმისთვის, რომ იყოს ჯანმრთელი ადა არა იმისთვის, რომ დაიკლოს წონაში
“ვარჯიში ჩემი ცხოვრების განუყოფელი ნაწილია, ბევრ ადამიანს ჰგონია, რომ ამ ყველაფერს სხეულის იდეალური ფორმებისთვის ვაკეთებ, დიეტების არ მჯერა, ერთადერთი, რისთვისაც ფიზიკური აქტივობით ვკავდები, ეს არის ჯანმრთელობა, უბრალოდ მინდა, რომ ვიყო ჯანმრთელი”.
- ვარჯიშის პარალელურად დადის ლაშქრობებზე, შვილებთან და ახლო მეგობრებთან ერთად აწყობს ექსკურსიებს. მისთვის შვილები ყველაზე პრიორიტეტულია.
- დილით იღებს მხოლოდ სითხეებს, იქნება ეს ბოსტნეულის სმუზი, ფორთოხლის წვენი, ყავა თუ მწვანე კოქტეილი.
- ყოველთვის იცინის და ცხოვრებაში არსებულ სირთულეებს მაქსიმალურად პოზიტიურად ხვდება.
არ აქვს მნიშვნელობა, რასთან უწევს გამკლავება, “პოზიტიური აზროვნება” პრობლემების მოგვარებაში ნაწილობრივ მაინც ყოველთვის ეხმარება.
- ცდილობს, დააბალანსოს ყველაფერი.
“ყველა დედამ უნდა შეძლოს იპოვნოს ბალანსი სამსახურსა და პირად ცხოვრებას შორის, ისე, რომ ორივესგან სიამოვნება მიიღოს”.
- არ სჯერა დიეტების.
- ჭამს ძალიან ხშირად.
რიზ უიზერსპუნის საიდუმლო პატარა ულუფებშია, მიირთმევს ხშირად, თუმცა მცირე რაოდენობით. საუზმესთან, ლანჩთან, სადილთან და ვახშამთან ერთად შუალედებში დესერტსა და მსუბუქ წასახემსებლებსაც მიირთმევს.
- არასდროს ტოვებს კარდიო ვარჯიშებს
მსახიობის პერსონალური მწვრთნელი აღნიშნავს, რომ რიზი კარდიო ვარჯიშებს კვირაში ექვსი დღე, 30 წუთის განმავლობაში აკეთებს.
- საღამოობით სეირნობს
- სადილს სანელებლებს და ცხარე სოუსს უმატებს.
“ძალიან მიყვარს შემწვარი ქათამი, ხშირად სადილზე სწორედ ქათმით მომზადებულ საჭმელებს მივირთმევ, რომელსაც ცხარე სანელებლებთან ერთად ვამზადებ”.
- უყვარს ნატურალური წვენები და აქვს ფავორიტი სმუზი.
რიზ უიზერსპუნის ერთ-ერთი ფავორიტი სასმელი კიმ სნაიდერის სმუზია, რომელიც შეიცავს ისპანახს, სალათის ფურცლებს, ნიახურს, ვაშლს, მსხალს და ლიმონის წვენს.
- ვარჯიშობს დილით
მსახიობი საღამოს ვარჯიშს ყოველთვის დილას ამჯობინებს. იღვიძებს ექვსის ნახევარზე და სპორტდარბაზში მიდის რვის ნახევარზე.
- 13. აქვს ჭკვიანური ხრიკები, რომლებიც შფოთვის დაძლევაში ეხმარება.
“როდესაც გეშინია და გგონია, რომ რასაც გთხოვენ, იმას სათანადოდ ვერ შეასრულებ, თუ ნერვიულობას გააგრძელებ, მართლა ვერ შეასრულებ. ჯერაც ვერ დავძლიე ეს შიში, ყოველ ჯერზე, როდესაც ახალ ფილმზე მუშაობას ვიწყებ, ვფიქრობ, ნუთუ ნერვიულობა რამეში დამეხმარება? ზუსტად, ვიცი, რომ შიშის ფონზე როლს კარგად ვერ შევასრულებ და ხალხისგან ცუდ შეფასებას მივიღებ, ასე რომ უაზროდ ნერვიულობას აზრი არ აქვს, სანამ შედეგს არ გაიაზრებთ, მანამდე ამას ვერ გააანალიზებთ”.
- დაკავებულია იოგათი.
იოგას ვარჯიშები რიზის ცხოვრების განუყოფელი ნაწილია, ვარსკვლავი ამით არამხოლოდ ფორმას, არამედ სულიერ სიმშვიდეს ინარჩუნებს.
15 . არასდროს ავიწყდება მზისგან დამცავი კრემის გამოყენება.
- არ ნერვიულობს იმაზე, თუ რაიმე კარგად არ გამოსდის.
“წლების წინ ყველა წვრილმანზე ვნერვიულობდი, მეგონა არაფერი გამომივიდოდა და დასაცინი გავხდებოდი, წინ ვერ წავიდოდი და ყველას იმედებს გავუცრუებდი, ერთხელაც მივხვდი, რომ “სტრესი” არ არის ჩემი მეგობარი, ის მხოლოდ ხელს მიშლის.
- 17. ძალიან უყვარს ცეკვა.
“ბევრმა ადამიანმა არ იცის, რომ ჰიპ-ჰოპის მოცეკვავე ვარ, პროფესიონალი არ ვარ, თუმცა ეს საქმე ნამდვილად კარგად გამომდის. „თეორიულად სულ ვცეკვავ, რადგან ჩემს გულსა და გონებაში მუსიკა ყოველთვის ისმის.
- 1 წარმატებას ყოველთვის ახლობელ ადამიანებთან ერთად აღნიშნავს.
“როგორც იტყვიან წარმატებას რა აზრი აქვს, თუ სიხარულს საყვარელ ადამიანებთან ერთად არ გაიზიარებ. მიყვარს ოჯახური შეკრებები, ხშირად სულიერი მხარდაჭერა ხომ ყველაზე მნიშვნელოვანია”.
- 19. ქმნის საკუთარ ბედნიერებას
“საკუთარი ცხოვრების შემოქმედნი თავად ხართ, თქვენ იქმნით როგორც კარგ, ასევე ცუდ განწყობას. ყოველდღიურად უნდა მიიღოთ გადაწყვეტილება ირჩევთ თუ არა ბედნიერებას, ამის გასაანალიზებლად მე თითქმის 30 წელი დამჭირდა.”
20. სოციალურ მედიას იყენებს საზოგადოების ცნობიერების ასამარლებლად, გამომწერებს აძლევს საინტერესო რჩევებს და საკუთარ გამოცდი
