“რჩევები დედებს” OK!-ის ერთ–ერთი გამორჩეული და საჭირო რუბრიკაა, რომელიც უამრავ დედას უპასუხებს მისთვის საინტერესო კითხვებზე. პირადად მე მიმაჩნია, რომ ყველა დედა, ბავშვის დაბადების შემდეგ, თავად სწავლობს და იღებს გამოცდილებას რა არის უკეთესი მისი შვილისთვის. დამეთანხმებით, ბავშვის გაზრდა და აღზრდა რთული, საინტერესო, პასუხისმგებლობიანი პროცესია. მშობელი “იზრდება” და ვითარდება ბავშვთან ერთად. მიუხედავად ამისა, რა საკვირველია არის საკითხები, სადაც პროფესიონალის ჩართულობა და მისი რეკომენდაციები ჩვენსაზე კომპეტენტურია. სწორედ ამიტომ ყოველ ოთხშაბათს ჩვენ შემოგთავაზებთ არაერთ სტატია/ინტრვიუს, რომლებიც საჭირო დროს თქვენი სახელმძღვანელო გახდება.
იქამდე კი მინდა ერთ–ერთ ძალიან აქტუალურ თემას შევეხო, რასთანაც დარწმუნებული ვარ ყველა დედას გვქონია შეხება. ზოგი უფრო ზედაპირულად უყურებს, ზოგიც მძაფრად უდგება, მაგრამ მთავარი მაინც ის არის – რისი უნდა გვჯეროდეს და რისი – არა.
მითები და რეალობა:
1. ახალშობილს სცივა, ხელები, ფეხები, ცხვირი ცივი აქვს. ჩვილი სითბოში უნდა გყავდეთ – რა თქმა უნდა, ეს ყველაფერი მითია. ზოგადად, რაც უფრო თხლად მივაჩვევთ ბავშვს ჩაცმას, მით უკეთესია მისი ორგანიზმისთვის, სეირნობა არაქარიან ამინდში შეიძლება პირველივე დღეებიდან, მზე აუცილებელია ბავშვისთვის, ჩვილს სცივა თუ სცხელა უნდა გავიგოთ, ჩვენი ხელისგულის მიდებით მის ზურგზე. თუ ის არ არის ცივი/ოფლიანი, ე. ი. ბავშვი კომფორტულად არის.
2.ბავშვის ხელში დიდხანს ჭერა „აფუჭებს“ – ეს ასე ნამდვილად არ არის. ბავშვებს, განსაკუთრებით კი ჩვილებს მშობელთან ჩახუტება აუცილებლად სჭირდებათ. სიახლოვე ბავშვებსა და მშობლებს კიდევ უფრო მეტად აახლოებს.
3.ახალშობილს სახლშიც უნდა ეფაროს ქუდი, რომ არ გაცივდეს – არა, ახალშობილს სახლში ქუდი არ უნდა დააფაროთ. გამონაკლისია ბანაობის შემდგომი პერიოდი, თუმცა დაახლოებით 1 საათის შემდეგ ქუდი უნდა მოხადოთ ბავშვს. მითს საფუძვლად ის უდევს, რომ ახალშობილი ძალიან სწრაფად კარგავს სითბოს. ამიტომ სამშობიარო ბლოკში დაბადების შემდგომ მას სწარფად ამშრალებენ და აცმევენ, რათა სითბოს დაკარგვა დასხეულის გადაციება თავიდან აიცილონ.
4.რატომ კვებავ ბავშვს ძუძუთი ასე ხშირად? კუჭი გადაეტვირთება და ავად გახდება – არ დაიჯეროთ. დედის რძე ბავშვის კუჭში მცირე ხნით ყოვნდება და სწრაფად მოინელება, ამიტომ შეგძილიათ მშვიდად კვებოთ ის მოთხოვნილებისამებრ. ხელოვნური ნარევი კი ძნელად მოსანელებელია და კუჭში დაახლოებით 3-3,5 საათი ყოვნდება, ამიტომ ხელოვნური კვების დროს შუალედების დაცვა აუცილებელია.
5.ბავშვს „მუცლის თმას“ თუ გადაპარსავ, უფრო ხშირი თმა ამოუვა – მითია. თმის სტრუქტურას გენეტიკა განაპირობებს და რამდენჯერად არ უნდა გადაპარსოთ პატარასთავი, სქელი ან ხვეული თმა მაინც არ ამოუვა. რაც შეეხება „მუცლის თმას“, გახსოვდეთ, თმა მუდამ თვითგანახლებას განიცდის, თანდათან ცვივა და ახალი ამოდის. ასე, რომ ასეთი თმა მხოლოდ ახალშობილს აქვს.
6.ახალშობილს მჭიდროდ თუ გაახვევ, სწორი ფეხები ექნება – ახალშობილის გახვევა აღარაა მიღებული პრაქტიკა. პირიქით, ბავშვის განვითარებისათვის მოძრაობა აუცილებელია. ძვლების ფორმებს კი გენეტიკური ფაქტორები განაპირობებს და თუ რაიმე დაავადების გამო არ განიცადა დეფორმაცია, სხვა არაფერი შეცვლის.
7.ბავშვი იმიტომ ტირის, რომ რძე არ ყოფნის – ჩვილები ტირიან, როცა შიათ, მაგრამ როცა ტირიან, ყოველთვის არ შიათ. ტირილი გახლავთ ჩვილის გარემოსთან კომუნიკაციის ერთადერთი მეთოდი. ის ტირის, როცა სცხელა, სცივა, დაღლილია, ეძინება, ტირის, როცა დედასთან სიახლოვე სჭირდება.
8.40 დღე ახალშობილისთვის ფრჩხილების დაჭრა არ შეიძლება – სახის დაკაწვრისთავიდან ასაცილებლად შეგვიძლია პირველივე დღეს სპეციალური მაკრატლის საშუალებით დავაჭრათ ჩვილებს ფრჩხილები.
9.ხელების მოძრაობა ბავშვს აშინებს და ამიტომ აუცილებელია ხელთათმანი/ჩვილი მარტივად ცივდება და ხელი თბილად უნდა ჰქონდეს – სინამდვილეში, როდესაც ხელთათმანს ვაცმევთ ახალშობილს, ჩვენ ვაფერხებთ მის განვითარების პროცესს დახელს ვუშლით ბავშვს აქტიურად შეიმეცნოს სამყარო.
10.წყლის მიღება აუცილებელია ჩვილისთვის – ექვს თვემდე ასაკის ჩვილებმა წყალი არ უნდა მიიღონ. მათი ჰიდრატაციის მოთხოვნებს ამ ასაკში სრულიად აკმაყოფილებს დედის რძე და ხელოვნური საკვები.
