ჟურნალისტი, მედია კოორდინატორი, საზოგადოებასთან ურთიერთობისა და მარკეტინგული კომუნიკაციის მენეჯერი მარიამ პაკაცოშვილი ევროპის აკადემიური ცენტრის მოწვეული ტრენერი გახდა. 1-ელ ივლისს, 22:00 საათზე, ZOOM-ის პლატფორმის მეშვეობით ბიზნეს სექტორის წარმომადგენლებს სრულიად უფასოდ შესაძლებლობა ექნებათ მონაწილეობა მიიღონ ღია დისკუსიაში.
როგორც საზოგადოებასთან ურთიერთობის სპეციალისტი OK-სთან აღნიშნავს, შეხვედრაზე საუბარი იქნება სოციალური მედია-მარკეტინგის კუთხით არსებულ სტერეოტიპულ შეხედულებებზე, პრობლემებსა და მიმდინარე გამოწვევებზე.
,,სოციალური მედია მარკეტინგი რომ კრიტიკულად მნიშვნელოვანია ბიზნესისათვის და პირდაპირ კავშირშია გაყიდვების ზრდასა თუ კომპანიის განვითარებასთან ცალსახაა, თუმცა სტრატეგიის სწორი იმპლემენტაცია ნებისმიერ ბიზნესმოდელში მმართველი რგოლის მხრიდან შეფასების ბერკეტების ცოდნის პირდაპირპროპორციულია, აქედან გამომდინარე ჩემი სურვილია მოვისმინო სხვადასხვა კომპანიის დამფუძნებლის შეხედულებები და გავუზიარო მათ სწორი ანალიზის გაკეთებისა და შეფასების მექანიზმები”.
დამწყები ტრენერი ამჟამად ამერიკულ პიარ ტენდენციებს იკვლევს, სახელმძღვანელო წიგნს წერს და ლექტორობისთვის ემზადება.
რესპოდენტი სამომავლო გეგმებზეც გვესაუბრა-
,,იმისათვის, რომ ბიზნესმენებმა და კომპანიის სხვა მმართველმა რგოლმა სოციალური მედია და მარკეტინგის მენეჯერების მუშაობის სამართლიანი შეფასება და გაყიდვების დინამიკის ეფექტური ზრდა შეძლონ ევროპის აკადემიურ ცენტრთან ერთად უახლოეს პერიოდში ინტენსიურ 3 დღიან ტრენინგსა და 1 თვიან სასწავლო კურსებს შემოგთავაზებთ. კურსები ევროპის აკადემოურ ცენტრსა და ჩემს პირად Facebook გვერდზე განთავსდება”.
