დეტოქსის დღეები გულისხმობს ორგანიზმიდან წიდების გამოდევნას, თუმცა არ არსებობს მეცნიერული მტკიცებულება, რომელიც ადასტურებს „დეტოქსიკაციის“ საჭიროებას, რადგან ჩვენს ორგანიზმს თავად აქვს აღდგენის ფუნქცია. მიუხედავად ამისა, დეტოქს-დიეტებს უამრავი მიმდევარი ჰყავს და ძალიან პოპულარულია სოც.ქსელებში. განვიხილოთ მისი დადებითი და უარყოფითი მხარეები.
დეტოქსის დადებითი მხარე:
დეტოქსის მიმდევრებს მიაჩნიათ, რომ ჩვენს ორგანიზმს სჭირდება შესვენება, სასიცოცხლო ენერგიის ბალანსის აღდგენა და გათავისუფლება იმ წიდებისგან, რომლისგანაც ჩვენი ყოველდღიურობა შედგება − იქნება ეს არაჯანსაღი საკვები, ნიკოტინი თუ შაქარი.
დეტოქსის დღეები გვეხმარება ორგანიზმის ფუნქციების აღდგენაში. მაგალითად, მივირთვათ სეზონური ხილი, ბოსტნეული და დავლიოთ სასმელი წყალი. ამ დროს უნდა შეიზღუდოს რაფინირებული, ცხიმიანი და შაქრიანი საკვები, რომელიც საჭიროა ჩანაცვლდეს მთლიანი საკვებით, როგორიცაა ხილი და ბოსტნეული. მოცემული მიდგომა ეფექტიანი საშუალებაა თქვენი სხეულის სასურველი ფორმისთვის, ხოლო ეს ყველაფერი კუჭ-ნაწლავის მოქმედებას აუმჯობესებს. ჩვენი ორგანიზმი ოპტიმალურ რეჟიმში იწყებს მუშაობას.
დეტოქსის უარყოფითი მხარე:
ზოგიერთი დეტოქსური დიეტა შესაძლოა იყოს მავნებელი და მისმა ხანგრძლივმა გამოყენებამ გამოიწვიოს კვების დეფიციტი, განსაკუთრებით მოზარდებში, რამაც შეიძლება ხანგრძლივად უარყოფითი გავლენა მოახდინოს ჯანმრთელობაზე.
თუ თქვენ ხშირად მიმართავთ დეტოქსურ დიეტებს, ამან შესაძლოა გამოიწვიოს ენერგიის ნაკლებობა და თავბრუსხვევა.
4 სასარგებლო და საზაფხულო სმუზის რეცეპტი თქვენი დილის ჯანსაღი დასაწყისისთვის
დილის ჯანსაღად დაწყება ერთ-ერთი მნიშვნელოვანი ნაბიჯია. როგორც უკვე აღვნიშნეთ, დეტოქსის დღეებში აუცილებელია ბევრი ხილის მიღება. გთავაზობთ სმუზების რამდენიმე ვარიანტს:
ნაღების სმუზი ფინიკით
ინგრედიენტები: 3/4 ჭიქა რძე,
1/3 ჭიქა შუაზე გაჭრილი ფინიკები
1/2 ჭიქა ყინული
მწვანე სმუზი:
1 ცალი მწვანე ვაშლი, 1 ცალი ბანანი, ნახევარი კონა ქინძი, 1/4 ჩაის კოვზი ჯანჯაფილი, 100 გრამი ისპანახის ფოთლები, 1 ცალი ლაიმის წვენი და 200 მლ წყალი.
სმუზს შეგიძლიათ პიტნა დაუმატოთ. სმუზის მომზადება ძალიან ადვილია. ინგრედიენტები ჩაყარეთ ბლენდერში, ათქვიფეთ და 5 წუთით გააჩერეთ მაცივარში.
სმუზი ბოული:
ინგრედიენტები: 2 ცალი ბანანი, 1 ცალი ატამი, ჩაის კოვზი თაფლი, 50 მლ ქოქოსის რძე, კურკუმა − ¼ ჩაის კოვზი, შვრიის გრანოლა, სელის თესლი და კენკრა − 50 გრ.
ბანანი, ატამი, თაფლი და ქოქოსის რძე ბლენდერში ათქვიფეთ. დაუმატეთ კურკუმა. შემდეგ გადაიტანეთ ღრმა თასში და დაუმატეთ სელის თესლი, შვრიის გრანოლა და კენკრა.
კენკრის სმუზი შვრიით:
ინგრედიენტები:
¼ ჭიქა შვრია
½ ჭიქა კენკრა
½ ჭიქა ნატურალური იოგურტი
½ ჭიქა ყინული
2 სუფრის კოვზი ყავისფერი შაქარი
¼ ჩაის კოვზი ჯანჯაფილი
მოცემული ინგრედიენტები ბლენდერში ავთქვიფოთ.
დაბოლოს, ყველაზე მარტივი სმუზის რეცეპტი:
ინგრედიენტები:
ბანანი
ჟოლო
მარწყვი
რძე
ჩიას მარცვლები
შვრიის ფანტელები
ხილი ჩავყაროთ ბლენდერში, დავასხათ სასურველი ოდენობის რძე და ავთქვიფოთ. შემდეგ დავუმატოთ ჩიას მარცვლები, შვრიის ფანტელები და კვლავ ბლენდერში ავთქვიფოთ. მიღებული მასა გადმოვასხათ ჭიქაში და გავაფორმოთ ხილით.
