სასურველი და გამორჩეული საჩუქარი ნებისმიერ სიტუაციაში
დღესასწაულები პოზიტიურ განწყობას გვიქმნის და სასიამოვნო ემოციებით გვავსებს. მათი მოახლოებისთანავე კი გონებაში მუდმივად გვიტრიალებს შეკითხვა: რა ვაჩუქო, რომ მოეწონოს? როგორ შევარჩიოთ საჩუქარი სწორად?.. ეს იმ შეკითხვების არასრული ჩამონათვალია, რომლებიც დღესასწაულების პერიოდში აქტუალობას ნამდვილად არ კარგავს. ჩვენი საყვარელი ადამიანებისთვის საჩუქრის შერჩევა არ არის მარტივი პროცესი, რადგან განსაკუთრებულ ყურადღებასა და დაფიქრებას საჭიროებს, რათა ზუსტად „მოვარტყათ მიზანში“ და გავახაროთ ადრესატი.
საჩუქრის შერჩევისას გვიწევს უამრავ ალტერნატივას შორის გადაწყვეტილების მიღება. შერჩევის დროს ორიგინალურობა მნიშვნელოვანია, თუმცა არსებობს საჩუქრები, რომლებიც თითქმის ყველა ტიპის ადამიანს უყვარს და ზუსტად ვიცით, რომ მოეწონება. ასეთ კატეგორიებში ყველაზე პოპულარული თავის მოვლის საშუალებებია. არავინ ამბობს უარს მაღალი ხარისხის თავის მოვლის საშუალებებზე, რადგან საკუთარ ჯანმრთელობასა და სილამაზეზე ზრუნვა ყველას ახალისებს. ამ შემთხვევაში ერთ-ერთი გამორჩეული ბრენდი, რომელსაც უპირატესობა უნდა მიანიჭოთ, არის იტალიური პრემიუმკლასის ორგანული და ნატურალური ბრენდი PHYTORELAX და მისი სასაჩუქრე ნაკრებები, რომელთაც ექსკლუზიურად „იმპექსში“ აღმოაჩენთ.
Phytorelax-ს იტალიური წარმოების სრულყოფილებას უწოდებენ. სასაჩუქრე ნაკრებების ვიზუალი ისეთივე დახვეწილი და სრულყოფილია, როგორც შიგნით მოთავსებული ორგანული და ნატურალური თავის მოვლის პროდუქტები, რომლებიც ქიმიური ნივთიერებების შემცველ ალტერნატიულ პროდუქციასთან შედარებით, მაღალი ეფექტიანობით გამოირჩევა და აქვს ხანგრძლივი მოქმედება, რადგან უჯრედულ დონეზე აღწევს კანში. ბრენდი Phytorelax ფლობს მსოფლიოში აღიარებულ ორგანული კოსმეტიკის უმაღლესი ხარისხის დამადასტურებელ ევროპულ სერტიფიკატს − COSMOS ORGANIC. მას ასევე მინიჭებული აქვს უმაღლესი სტანდარტით დამზადებული ნატურალური პროდუქციის დამადასტურებელი სერტიფიკატი − COSMOS NATURAL და AIAB, რაც ბიო-ეკო-კოსმეტიკურ სტანდარტზე მიუთითებს.
არჩევანი რომ გაგიმარტივდეთ, აქვე წარმოგიდგენთ PHYTORELAX-ის რამდენიმე სასაჩუქრე ნაკრებს, რომლებიც შეგიძლიათ სხვადასხვა გემოვნების, სურვილებისა და საჭიროებების მქონე ადამიანებს მოარგოთ და მეტად პერსონალიზებული გახადოთ თქვენი საჩუქარი:
სხეულის მოვლის ნაკრები დამზადებული არგანის ზეთზე. არგანის ზეთი მიიღება არგანის ხისგან, რომელიც იზრდება მხოლოდ სამხრეთ მაროკოში. ათასობით წლის განმავლობაში ბერბერი ქალები მას სილამაზის ელექსირად იყენებდნენ. ეს არის კანის დაბერების საწინააღმდეგო ერთ-ერთი ყველაზე ცნობილი და ეფექტური საშუალება, რომელიც განსაკუთრებით ფასდება მისი ანტიოქსიდანტური, დამარბილებელი და დამატენიანებელი თვისებებით. ნაკრებში შედის ხავერდოვანი და დამარბილებელი ტექსტურის შხაპის გელი და მდიდარი ტექსტურის სამასაჟე კრემი.
ტკბილი ნუშის ზეთზე დამზადებული ტანის მოვლის ნაკრები. ტკბილი ნუშის ზეთი ცნობილია მისი უნიკალური თვისებებით, რომელიც ელასტიურს ხდის კანს. ის განკუთვნილია დეჰიდრატირებული კანისთვის და სტრიების პრევენციისათვის. ნაკრებში შედის დამარბილებელი და მკვებავი შხაპის გელი და ტკბილი ნუშის ზეთი.
ქოქოსის ზეთზე დამზადებული სხეულის მოვლის ნაკრები. ორგანული ქოქოსის ზეთი მდიდარია ანტიოქსიდანტებითა და სასარგებლო ვიტამინებით. აქვს მსუბუქი ტექსტურა და დამამშვიდებელი ეფექტი კანზე. ნაკრებში შედის მკვებავი შხაპის გელი და ქოქოსის ზეთი.
ბახის ყვავილებზე დამზადებული სხეულის მოვლის ნაკრები. ბახის ყვავილების ხაზი ატარებს ბრიტანელი ექიმის სახელს, ვინც პირველად შეისწავლა ისინი. ამ ხაზის პროდუქტების უნიკალური თვისება ის არის, რომ ამშვიდებს და ჰარმონიას ანიჭებს სხეულს. ხელს უწყობს ემოციური სტრესის მოხსნას და ფსიქოფიზიკურ კეთილდღეობას. ნაკრებში შედის დამამშვიდებელი შხაპის გელი სარელაქსაციო აბაზანის/შხაპისათვის და სამასაჟე ტანის კრემი.
რაც შეეხება უშუალოდ Phytorelax-ის მამაკაცის ხაზის პროდუქტებს, ისინი შექმნილია თანამედროვე მამაკაცის მოთხოვნილებებისთვის. უსაფრთხო ფორმულები მდიდარია ბუნებრივი და ეფექტური ინგრედიენტებით. შეიცავს ვიტამინებს, რომლებიც ატენიანებს და იცავს კანს. სასიამოვნო და არაცხიმიანი ტექსტურის პროდუქტები კი მალე შეიწოვება კანში. Phytorelax-ის მამაკაცის თავის მოვლის ნაკრებები მარტივად გადაგიწყვეტთ მამაკაცებისათვის საჩუქრის შერჩევის მარადიულ პრობლემას.
2 ძალიან პრაქტიკულ მამაკაცის ნაკრებს აღმოაჩენთ Phytorelax-ის ასორტიმენტში. ერთ-ერთ ნაკრებში შედის დასაბანი ქაფი თმისა და ტანისათვის, ბალზამი გაპარსვამდე და პარსვის შემდგომ. გუარანასა და ჟენშენის ექსტრაქტებზე დამზადებული მატონიზირებელი გელი იდეალურია ვარჯიშის და სამუშაო დღის შემდეგ კანის რეგენერაციისათვის. დასაბანი ქაფის შემადგენლობაში შედის ასევე მენთოლი, რომელსაც გამოსაფხიზლებელი ეფექტი აქვს. ბალზამი ამზადებს წვერს პარსვისთვის, გამოიყენება ელექტრო პარსვის დროს, გამჭვირვალეა და ამარტივებს წვერისთვის ფორმის მიცემას. გაპარსვის შემდგომ გამოყენებისას კი მომენტალურად ხსნის გაღიზიანებას და არბილებს კანს.
Phytorelax-ის მეორე ნაკრებში შედის წვერისა და სახის გამწმენდი გელი სანდლის ხის ექსტრაქტით, წვერისა და თმის მრავალფუნქციური სპრეი ბამბუკის და ალოე ვერას ექსტრაქტით. წვერ–სახის გამწმენდი გელი იდეალურია ღრმა და დელიკატური წმენდისა და დატენიანებისთვის. წვერისა და თმის სპრეი ბამბუკის და ალოე ვერას ექსტრაქტით კი არის სურნელოვანი, დამარბილებელი, მოცულობის მიმნიჭებელი პროდუქტი, რომელიც ასევე იდეალურია თმის და წვერის დასაყენებლად.
Phytorelax-ის სასაჩუქრე ნაკრებები არასოდეს დატოვებს თქვენს ადრესატს გაწბილებულს. ის ნებისმიერ სიტუაციაში დახვეწილი და სასურველი საჩუქარი იქნება. Phytorelax-ის სასაჩუქრე ნაკრებები შეგიძლიათ ექსკლუზიურად „იმპექსის“ სააფთიაქო ქსელში შეიძინოთ.
ასევე, დაგაინტერესებთ:
#OK! COSNATURE − ეფექტიანი და უსაფრთხო ფორმულების იდეალური კომბინაცია, ექსკლუზიურად „იმპექსში“
