Paraco ყველასათვის საყვარელი კომპანიაა, რომელიც საწარმოსა და შოურუმს აერთიანებს. მისი სამუშაო მიმართულება ნებისმიერი სირთულის მყარი ავეჯის დამზადებაა, ძირითად ხაზს კი თანამედროვე და კლასიკური სამზარეულოსა და სააბაზანოს ავეჯი წარმოადგენს. Paraco-მ შექმნის დღიდან არაერთხელ დაამტკიცა თავისი პროდუქციის სანდოობა და მრავალფეროვნება. ყოველივე ამას მოწმობს ის პრიზიც, რომელიც კომპანიამ სულ ცოტა ხნის წინ მიიღო Caucasus Build 2021 სამშენებლო მასალებისა და ინტერიერის 25-ე საერთაშორისო გამოფენაზე. დეტალური ინფორმაციისთვის OK! გაესაუბრა Paraco-ს გაყიდვებისა და მარკეტინგის დეპარტამენტის ხელმძღვანელს, თათია მიხელიძეს.
გვიამბეთ „ექსპო ჯორჯიას“ იმ პრიზის შესახებ, რომელიც Paraco-მ მოიპოვა.
15-17 ოქტომბერს „ექსპო ჯორჯიაში“ Caucasus Build 2021 − სამშენებლო მასალებისა და ინტერიერის 25-ე საერთაშორისო გამოფენა გაიმართა, რომელსაც ჩვენი კომპანია პირველად დაესწრო. აღნიშნულ გამოფენას ესწრებოდა ბევრი ისეთი წარმატებული და გამოცდილი კომპანია, რომელთანაც კომუნიკაცია ჩვენთვის სტრატეგიულად მნიშვნელოვანია. ეს ღონისძიება გამორჩეული იყო იმითაც, რომ მისი დახმარებით მივიღეთ პარტნიორული შეთავაზებები.
გამოფენაზე წარმოდგენილები ვიყავით გამორჩეული და ჩვენთვის სახასიათო სტენდით, რომლის დამზადებასა და აწყობაზე დაიხარჯა უამრავი დრო და ენერგია, რამაც დამსახურებულად მიგვაღებინა საუკეთესო დიზაინის სტენდის ჯილდო!
რა ტიპის შეთავაზებებს გეგმავთ თქვენი მომხმარებლისთვის?
ჩვენთვის უმნიშვნელოვანესი საკითხია მომხმარებლის კმაყოფილება და განებივრება სასიამოვნო სიახლეებით. შესაბამისად, მუდმივად ვზრუნავთ იმაზე, რომ შევთავაზოთ მათ მოთხოვნებზე მორგებული, საინტერესო პროდუქტი, სერვისი და მომსახურება.
აღსანიშნავია ის ფაქტი, რომ სპეციალური შეთავაზებები მზადდება არა მხოლოდ ინდივიდუალური პირებისთვისა და დიზაინერებისთვის, არამედ კომერციული მიმართულებით. ვფიქრობთ, მოვიცვათ ძალიან დიდი და ფართო ინდუსტრიები, შევთავაზოთ მათ მოთხოვნებზე მორგებული პროექტი, გავაძლიეროთ ერთმანეთი და ეკონომიკა. ამაში ჩვენს სოციალურ პასუხისმგებლობასაც ვხედავთ.
რაც შეეხება პროექტს, მალე დავაანონსებთ!
როდის იგეგმება Paraco-ს ახალი ფილიალის გახსნა სომხეთში და რა სახის პროდუქცია იქნება იქ წარმოდგენილი?
Paraco-მ ექსკლუზიური პარტნიორობა უკვე გააფორმა სომხეთში, კომპანია Lori Architect-თან, რომელიც ადგილობრივ ბაზარზე რამდენიმე ფილიალით არის წარმოდგენილი. მათი ერთ-ერთი ფილიალი დედაქალაქ ერევნის ცენტრში მთლიანად დაეთმობა ჩვენი კომპანიის მიერ სპეციალურად სომხეთისთვის შექმნილ კოლექციას. ისევე, როგორც საქართველოში, სომხეთის ბაზარზეც, ვფიქრობთ ყველა იმ ავეჯის გატანას, რაც საქართველოში გვაქვს წარმოდგენილი. ექსკლუზიური შეთავაზებებით, ჩვენი ვარაუდით, მოთხოვნა უფრო მეტად გაიზრდება და სომხეთის ბაზარსაც მაქსიმალურად ავითვისებთ იმ წარმატებით, რომლითაც კომპანია თავს იწონებს საერთაშორისო ბაზარზე.
სამომავლო გეგმები.
კომპანია ბოლო, ძალიან მცირე პერიოდში საკმაოდ გაიზარდა, მოთხოვნაც და მიწოდებაც შესაბამისად იზრდება. ახლო მომავალში ვგეგმავთ, ახალი, საინტერესო, თანამედროვე დიზაინით შემუშავებული კარების სერიულ წარმოებას, რომელიც ასევე ხელს შეუწყობს ავეჯის ინდუსტრიის განვითარებას საქართველოში!
აღსანიშნავია, რომ სამომავლოდ, ცენტრალურ და ალტერნატიულ ადგილას ვგეგმავთ ახალი შოურუმის გახსნასაც. ვგეგმავთ ბაზრის მოთხოვნების მიხედვით გათვალისწინებული პარტნიორული შეთავაზებების ორგანიზებას, რაც არა მარტო ჩვენი, არამედ პარტნიორი კომპანიების ფინანსურ კეთილდღეობაზე დადებითად აისახება.
არცთუ შორ მომავალში, საინტერესო ღონისძიებებისა და გრძელვადიანი პროექტების შეთავაზებას ვგეგმავთ ავეჯის ინდუსტრიაში მოქმედი კომპანიებისა და დიზაინერებისთვის, რაც საქართველოში ამ მიმართულებით საერთაშორისო სტანდარტის ჩამოყალიბებასა და განმტკიცებას მნიშვნელოვნად შეუწყობს ხელს.
საკონტაქტო ინფორმაცია:
facebook.com/ParacoFurniturecompany
032 288 99 11
