„პალატი“ – ქუთაისის ძველ უბანში, თეთრ ხიდთან, უბრალო, სახლური, მაგრამ კოლორიტული ადგილია, სადაც მასპინძლობა ნამდვილად და გულწრფელად უხარიათ, სადაც კომფორტს არა მდიდრული ნივთები, არამედ ძველი, ნოსტალგიური განწყობები ქმნის, და რაც მთავარია, სახლური კერძები, რომლებიც სტუმრის თეფშზე იმ ძველი ტრადიციებით, არომატით და ხასიათით მიაქვთ, რითიც ამაყობს და მსოფლიოს აოცებს ჩვენი ქვეყანა.
აქ ყოველი სტუმრის აღფრთოვანება მასპინძლების პირადი წარმატებაა. „პალატი“ როგორც სახლი და „პალატი”, როგორც ოჯახი – ესაა ის, რაც ჩაიფიქრეს და გამოუვიდათ, – ასე გრძნობენ სტუმრები და ეს კიდევ ერთხელ ადასტურებს იმას, რომ ყველა რისკი თუ ყველა გასტრონომიული ექპერიმენტი ამად ღირდა.
