ერთად გავიგოთ თუ როგორი იქნება ზოდიაქოს 12 ნიშნისთვის სექტემბრის თვის ასტროლოგიური პროგნოზი.
ვერძი
ძვირფასო ვერძებო! 2022 წლის ოქტომბრის ასტროლოგიური პროგნოზის თანახმად, თვის დასაწყისში გარკვეული ფინანსური კრიზისია მოსალოდნელი, თუმცა ნუ შეშინდებით − ყველაფერი დროებითია, თქვენი სწორი მენეჯმენტის წყალობით, ამ კრიზისის დაძლევასაც შეძლებთ. ვერძებო, გირჩევთ თქვენი მიზნების მისაღწევად თანამოაზრეები იპოვოთ. აუცილებლად ენდეთ საკუთარ ინტუიციას და თქვენს სურვილებს წინ ვერაფერი დაუდგება.
კურო
ძვირფასო კუროებო! 2022 წლის ოქტომბერში მეგობრები თქვენი ყველაზე დიდი გულშემატკივრები იქნებიან. აუცილებლად მიაკითხეთ მათ რჩევის სათხოვნელად, ან სულაც პრობლემის მოსაგვარებლად. ეს ის საყრდენია, რომელსაც ამ თვის განმავლობაში თვალდახუჭული უნდა ენდოთ. მოთმინებითა და თავშეკავებით ოქტომბერში იმაზე მეტის მიღწევას შეძლებთ, ვიდრე წარმოიდგენდით.
ტყუპები
ძვირფასო ტყუპებო! 2022 წლის ოქტომბერში ნუ დაიშურებთ ძალასა და ენერგიას თქვენი ჩანაფიქრების ასასრულებლად. ყოველი გადაწყვეტილება დიდი სიფრთხილით მიიღეთ და არაფრისდიდებით არ დაიხიოთ უკან. ტყუპებო, შესაძლოა თვის განმავლობაში გარკვეული დისკომფორტი იგრძნოთ თქვენი რუტინული ცხოვრების გამო. გირჩევთ შვება საყვარელ ადამიანებში ეძებოთ.
კირჩხიბი
ძვირფასო კირჩხიბებო! საკუთარი თავის სიყვარული 2022 წლის ოქტომბრის აფირმაციად დაისახეთ. თქვენ იმაზე მეტს იმსახურებთ, ვიდრე წარმოიდგენთ. თუ საკუთარ თავში ჩაღრმავების სურვილი გაგიჩნდებათ, მრავალ შეკითხვაზე შეძლებთ პასუხის გაცემას. ოქტომბერში ელოდეთ მნიშვნელოვან სიახლეს, რომელიც თქვენს კარიერულ მომავალთან იქნება დაკავშირებული.
ლომი
ძვირფასო ლომებო! 2022 წლის ოქტომბერში უნდა გახსოვდეთ, რომ ხანდახან დათმობაზე წასვლაც საჭიროა, განსაკუთრებით მაშინ, როდესაც საქმე საყვარელ ადამიანებს ეხებათ. თვის პირველი ნახევარი ლომებისთვის სამსახურებრივ პრობლემებთან იქნება დაკავშირებული, რომლის წინააღმდეგ თქვენი გამჭრიახი გონება და ლიდერული თვისებები უნდა გამოიყენოთ. არ აჰყვეთ ემოციებს, იყავით რაციონალური და ყოველთვის მიჰყევით გეგმას.
ქალწული
ძვირფასო ქალწულებო! 2022 წლის ოქტომბერში განსაკუთრებული თავდადება და მოთმინება გმართებთ საყვარელი საქმის კეთების პროცესში. არავითარ შემთხვევაში არ დაკარგოთ ის, რის მოპოვებასაც ამდენი დრო და ენერგია დაუთმეთ. ოქტომბრის თვეში მოულოდნელმა წარმატებამ შესაძლოა თქვენი მდგომარეობა რადიკალურად ნებისმიერ დროს შეცვალოს.
სასწორი
ეს თვე წარსულის უკან მოტოვებას და ფიზიკური თუ გონებრივი ძალების სრულ აღდგენას მოიაზრებს. სასწორის ნიშნით დაბადებულებს გირჩევთ, მაქსიმალურად ისიამოვნოთ მომენტით − შეიგრძენით თქვენი თვის სიდიადე, მიიღეთ ენერგია კოსმოსიდან და ის ჯადოსნურ ჯოხად გარდაქმენით, რომლითაც ყველაზე სანუკვარ ოცნებებს აისრულებთ.
მორიელი
ძვირფასო მორიელებო! 2022 წლის ოქტომბერში თქვენთვის ყველაზე მნიშვნელოვანი საფიქრალი ოჯახი, განსაკუთრებით კი მშობლები არიან. გამოიჩინეთ მათ მიმართ გულისხმიერება და ნუ მისცემთ ნერვიულობის საბაბს. დაგეგმეთ ერთი იდეალური დღე თქვენს საყვარელ ადამიანებთან ერთად და თავად შეიქმენით განწყობა, რომელიც ასე ძალიან გჭირდებათ ყველაფრის გასაგრძელებლად.
მშვილდოსანი
ძვირფასო მშვილდოსნებო! 2022 წლის ოქტომბერში ნუ გამოიჩენთ ზედმეტ ინიციატივას, ამით ძალიან გააღიზიანებთ როგორც თქვენს მეგობრებს, აგრეთვე თანამშრომლებს. უფლება მიეცით თქვენს გარშემომყოფებს დაუშვან შეცდომები და მისგან თავად მიიღონ გაკვეთილი, თქვენ კი საკუთარ პრობლემებზე ფოკუსირდით. გახსოვდეთ, რომ მათგან თავის არიდებით პრობლემები არსად გაქრება.
თხის რქა
ძვირფასო თხის რქებო! 2022 წლის ოქტომბერში მჭიდრო კავშირი იქონიეთ ბუნებასთან, ამინდის რადიკალური ცვლილების მიუხედავად, დააკვირდით და ყური დაუგდეთ თქვენს გარემოს, რომელიც იმაზე მეტ შეკითხვაზე გაგცემთ პასუხს, ვიდრე ამას თავად მოახერხებდით. ოქტომბერში, დაივიწყეთ სხვების დახმარება, ახლა პრობლემების წინაშე მარტო ხართ და მათი გადალახვაც მხოლოდ თქვენზეა დამოკიდებული.
მერწყული
ძვირფასო მერწყულებო! 2022 წლის ოქტომბერი ჯერ კიდევ დაუსრულებელი ურთიერთობებისა და საქმეებისთვის წერტილის დასმას და მხოლოდ ამის შემდეგ ახალი გეგმების წამოწყების უფლებას მოგცემთ. ოქტომბერში სერიოზულად მოგიწევთ საკუთარ თავზე და თქვენს უარყოფით თვისებებზე მუშაობა. მთავარია, მოთმინება იქონიოთ, რეალობას თვალი გაუსწოროთ და საკუთარი ნაკლოვანებების გამოსწორებაზე დაიწყოთ მუშაობა.
თევზები
ძვირფასო თევზებო! 2022 წლის ოქტომბერში ოჯახის წევრებისგან სასიამოვნო სიურპრიზი გელით. შესაძლოა, ეს სწორედ ის სიახლე აღმოჩნდეს, რომელსაც ასე ძალიან ელოდით. თევზებო, ნუ შეეჭიდებით სირთულეებს, მიჰყევით ცხოვრების დინებას, დატკბით მომენტით და თავს მოდუნების საშუალება მიეცით. გვერწმუნეთ, ოქტომბერში ცხოვრება სწორედ იქ მიგიყვანთ, სადაც მისვლა გჭირდებოდათ.
ტექსტი: ნინო ზაკუტაშვილი
