მოსამართლე ვირჯინია ფილიპსმა არ დააკმაყოფილა Netflix-ის შუამდგომლობა საქმის წარმოების შეწყვეტის შესახებ. ამის შესახებ ინფორმაციას იურიდიული ფირმა BLB ავრცელებს. როგორც განცხადებაშია აღნიშნული, მოსამართლემ არ გაიზიარა Netflix-ის არგუმენტაცია გამოხატვის თავისუფლებით დაცვასთან დაკავშირებით.
იურიდიული ფირმა BLB საქართველოს ულოცავს ქალბატონი ნონა გაფრინდაშვილის კიდევ ერთ გამარჯვებას კალიფორნიაში!
შეგახსენებთ, დავა ეხება NETFLIX-ის სერიალის The Queen’s Gambit სეზონის ბოლო სერიაში გაჟღერებულ სიცრუეს. აღნიშნულ ეპიზოდში ჰარმონი კაც კონკურენტს ეთამაშება, კომენტატორი მის სქესს უსვამს ხაზს და აღნიშნავს:
,,თუმცა ის ერთადერთი ქალი არაა რუსეთში. არსებობს ნონა გაფრინდაშვილი, ის ქალთა მსოფლიო ჩემპიონია, თუმცა ის არასდროს შეხვედრია კაც მოთამაშეს”.
რაც სიმართლე არაა, გაფრინდაშვილმა ბევრი იბრძოლა, რომ 1960-იანების კაცთა ტურნირებზე ეთამაშა. ის იყო პირველი ქალი, რომელსაც 1978 წელს საერთაშორისო დიდოსტატის წოდება მიენიჭა მამაკაცთა შორის.
