ქართული ბრენდი „ნართი“ უკვე წელიწადი და 6 თვეა წარმატებით ახორციელებს თავის საქმიანობას ბაზარზე. საზოგადოებას სთავაზობს როგორც ქალბატონების, ასევე, მამაკაცებისა და ბავშვების სამოსის მრავალფეროვან არჩევანს. ბრენდის უპირატესობა ხარისხი და საზოგადოებისთვის კომფორტული სამოსის მიწოდებაა, რაც ერთი შეხედვითაც თვალსაჩინოა. ამ და სხვა საინტერესო თემების შესახებ ჟურნალი OK! ბრენდის დამფუძნებელ თათა დემურიშვილს ესაუბრა.
რა გზა გაიარეთ დღევანდელ დღემდე?
თუ გავითვალისწინებთ იმ ყველაფერს, რომ „ნართის“ დაარსების იდეაზე ფიქრი და ამ იდეის განხორციელება პანდემიის პერიოდში დავიწყე, ამ მძიმე რეალობის ფონზე, საკმაოდ რთული გზის გავლა მომიწია. იყო ბევრი დაბრკოლება, წინააღმდეგობა, პრობლემები, მაგრამ ჩემთვის მაინც მთავარ მიზნად რჩებოდა მომხმარებლის კეთილგანწყობისა და ნდობის მოპოვება. სწორედ ამიტომ მიმაჩნია, რომ ჩემს გუნდთან ერთად მოვედი დღემდე − უფრო გაზრდილი, დახვეწილი და წარმატებული.
გვესაუბრეთ პროდუქციაზე, რომელსაც მომხმარებელს სთავაზობთ.
„ნართი“ გემოვნებიან, ქართულ სამოსს სთავაზობს როგორც ქალებს, ასევე მამაკაცებსა და ბავშვებს, და რაც მთავარია − ბიუჯეტურ ფასად. ძირითადად, გვაქვს ყოველდღიური, სპორტული სტილი, რომელზეც მუდამ ძალიან დიდი მოთხოვნაა. განსაკუთრებით ახლა, დღევანდელი რეალობიდან გამომდინარე.
როგორია ბრენდის კოლექციის შექმნისა და მოდელების შერჩევის პროცესი?
ახალი მოდელების შექმნაზე, ასე ვთქვათ, მთელი გუნდი მუშაობს. ეს არის პროცესი, რომელიც იდეის გაჩენიდან შეკერვის დასრულებამდე მიმდინარეობს. ამ დროს იცვლება, ყალიბდება და იხვეწება თითოეული დეტალი. აუცილებლად უნდა აღვნიშნოთ ისიც, რომ ყოველთვის ვითვალისწინებთ მომხმარებლის სურვილებს, რჩევებსა და მოთხოვნებს, რათა სწორედ მათ გემოვნებაზე მორგებული პროდუქტი შევქმნათ.
რა სახის სიახლეებს სთავაზობთ თქვენს მომხმარებლებს შემოდგომის სეზონისთვის?
მაქვს უამრავი იდეა, რომლის განხორციელებაც გულისხმობს სრულიად ახალი მოდელების შექმნას. ამაზე მე და ჩემი გუნდი უკვე ვმუშაობთ და შემოდგომის სეზონისთვის ჩვენს მომხმარებლებს ექნებათ საშუალება ჩვენთან შეიძინონ განსხვავებული, ორიგინალური და დახვეწილი მოდელები.
გვესაუბრეთ ხარისხზე.
ჩემთვის ყველაზე მნიშვნელოვანი ფაქტორი ხარისხია. მინდა გითხრათ, რომ კომპანიის დაარსების დღიდან მაქსიმალურად ვცდილობ თითოეული მოდელი იყოს მაღალხარისხიანი ქსოვილისგან დამზადებული. სწორედ ამიტომ, თითქმის არ გვყავს ისეთი მომხმარებელი, რომელსაც ხარისხზე პრეტენზია აქვს და მე ძალიან მახარებს ეს ფაქტი.
სად შეგვიძლია პროდუქციის შეძენა?
საბედნიეროდ, ჩვენი ლოკაციები დღითი დღე ფართოვდება. ამ ეტაპზე, თბილისის მასშტაბით გვაქვს 4 ფილიალი, ბათუმში 1 და პირველი ოქტომბრიდან უკვე ქუთაისშიც ვიქნებით.
ჩვენი მისამართებია:
„თბილისი მოლი“;
საბურთალოს „სითი მოლი“;
გლდანის „სითი მოლი“;
საბურთალო, ცინცაძის ქ. 7
ბათუმი, „მეტრო სითი“
ქუთაისი.
როგორია „ნართის“ სამომავლო გეგმები?
ჩემი მიზანია, „ნართი“ იყოს ერთ-ერთი უმსხვილესი ბრენდი ქართულ ბაზარზე, რომელსაც ჰყავს და ეყოლება უამრავი კმაყოფილი მომხმარებელი, რომელიც გვენდობა და ირჩევს ქართულს, თან ხარისხიანს, თან გემოვნებიანსა და თან საინტერესოს. ის, რომ გვაქვს იდეა, მიზანი, და სიტყვას საქმით ყოველთვის ვამართლებთ, არის წინაპირობა შემდეგი წინსვლისა და წარმატებებისა.
ტექსტი: ციაკო ღამბაშიძე
ფოტო: ალექსეი სეროვი
