მოდის ინდუსტრია ყოველდღიურად იცვლება, ვითარდება და ყალიბდება. საერთაშორისო ასპარეზზე ჩნდებიან დამწყები მოდელები, ტოპ მოდელები, სუპერმოდელები, და არსებობს უბრალოდ – ნაომი კემპბელი. ქალი, რომელმაც შეძლო და მიაღწია იმდენს, რაც დიდი ხნის განმავლობაში შეუძლებლად ითვლებოდა.
“შავ პანტერად” და “პოდიუმის დედოფლად” წოდებული ლამაზმანი რამდენიმე ათწლეულზე მეტია მუშაობს მოდის ინდუსტრიაში, რომლის პარალელურად ყალიბდება განსხვავებული ტენდენციები, მოთხოვნები და სილამაზის კრიტერიუმები. მუდმივად ცვალებად ბიზნესში კი ნაომი კემპბელის ფენომენი კვლავ აქტუალური რჩება. 90-იანი წლების საკულტო სუპერმოდელები კარიერული “აღორძინების” შემდეგ გარკვეული მიზეზების გამო საქმიანობას ხშირად თავს ანებებდნენ, ხოლო დიდხნიანი პაუზის შემდეგ საკუთარი ადგილის დაბრუნებას ცდილობენ. ცხადია, ნაომი კემპბელი მათ რიცხვს არ მიეკუთვნება. ის მოდის ინდუსტრიის მუდმივად განვითარებად სახედ რჩება.
1998 წელს ნაომი გახდა პირველი შავკანიანი მოდელი, რომელმაც French Vogue-ის, ზუსტად ერთი წლის შემდეგ კი ბრიტანული Vogue-ის გარეკანი დაამშვენა. მას მიღებული აქვს ისეთი პრესტიჟული პრიზები, როგორებიც მაგალითად CFDA’s 2018 Fashion Icon Award და 2019 British Fashion Council-ის საკულტო ჯილდოებია.
“პოდიუმის დედოფლის” დაბადების დღეზე წარმოგიდგენთ ვარსკვლავის გამორჩეულ მოდურ მომენტებს.
Yves Saint Laurent, 1987
Sonia Rykiel, 1998
Chanel Haute Couture, 1992
Chanel, 1993
Atelier Versace F/W 1995
Valentino fashion show
Yves Saint Laurent, 2002
VSFS, 2002
Louis Vuitton, 2008
Versace Atelier Couture, 2013
Versace, 2018
