ქართველი მოდელი, ყველასათვის საყვარელი ნანუკა გოგოჩაიშვილი სოციალურ ქსელებში საკმაოდ აქტიურია და ხშირად აქვეყნებს სხვადასხვა ფოტოებსა და ვიდეოებს. რამდენიმე დღის წინ მისი და ნიკოლოზ ნაყოფიას ჯვრისწერიდან ერთი წელი გავიდა, ნანუკამ კი ცერემონიალის განმავლობაში გადაღებული ულამაზესი ფოტოები გაგვიზიარა.
ნანუკამ და ნიკოლოზმა 2020 წლის 19 სექტემბერს კახეთში, ალავერდის მონასტერში დაიწერეს ჯვარი, ქვეყანაში არსებული ეპიდსიტუაციიდან გამომდინარე დაწესებული მკაცრი რეგულაციების გამო ჯვრისწერას სულ რამდენიმე ადამიანი ესწრებოდა.
აქვე შეგახსენებთ, რომ გასულ თვეს ნანუკა და ნიკოლოზი მშობლები გახდნენ, მათ გოგონა შეეძინათ, რომელსაც აივი–ნიკოლი დაარქვეს.
