Mr Nobody – ბატონი არავინ
ბატონი არავინ ჩვეულებრივი ცხოვრებით ცხოვრობს, ჰყავს ცოლი ელისი და სამი შვილი, თუმცა, ერთ მშვენიერ დღეს რეალობა ქრება, იგი 2092 წელს 120 წლის ასაკში იღვიძებს და აღმოაჩენს, რომ ყველაზე მოხუცი და ამავე დროს ერთადერთი მოკვდავი ადამიანია მსოფლიოში, სადაც აღარავინ კვდება. მას ეს დიდად არ აწუხებს. იგი თავის თავს ერთადერთ კითხვას უსვამს: იცხოვრა თუ არა სწორი ცხოვრებით, უყვარდა თუ არა ის ქალი, რომელიც უნდა ჰყვარებოდა, და ჰყავდა თუ არა ის შვილები, რომლებიც უნდა ჰყოლოდა. ახლა მისი მიზანი სწორი პასუხის პოვნაა.
Matrix – მატრიცა
საკულტო ფრენჩაიზის მეოთხე ნაწილი მზაკვრული კომპიუტერული სისტემის „მატრიცა“-ს შესახებ, რომელმაც დედამიწაზე კონტროლი დაამყარა და ახლა კაცობრიობას ენერგიის წყაროდ იყენებს. მთავარი გმირი ნეო, რომელმაც, როგორც ჩანს, სრულიად დაივიწყა მატრიცას არსებობა, რეგულარულად სტუმრობს ფსიქიატრს ხშირი და უცნაური სიზმრების გამო. ის ასევე ხვდება ტრინიტის კაფეში, მაგრამ ისინი ერთმანეთს ვერ ცნობენ. ერთ დღეს ყველაფერი შეიცვლება, როდესაც იდუმალი მამაკაცი ნეოს წითელ და ლურჯ აბებს შესთავაზებს წარწერით: ფრენის დროა.
Black mirror – შავი სარკე
ბოლო რამდენიმე წელიწადში ახალმა ტექნოლოგიებმა ჩვენი ცხოვრება მთლიანად შეცვალა, აზრზე მოსვლაც ვერ მოვასწარით და აი, ისინი აქ არიან. ყველა ჩვენგანს აქვს სახლში კომპიუტერი, პლაზმური ტელევიზორი ან ტელეფონი, აი, ზუსტად ეს არის ჩვენი საუკუნის შავი სარკე. შეიძლება ითქვას, რომ რეალობასთან კავშირს ვკარგავთ. ჩვენ თაყვანს ვცემთ Google-სა და Apple-ს. ხოლო Facebook-ი უკეთ გვიცნობს, ვიდრე ჩვენი მშობლები. ამ „შავ სარკეში“ მხოლოდ ჩვენი სამყაროს რეალობის დანახვა შეიძლება.
Sliding doors – ფრთხილად! კარები იკეტება
გვინეტ პელტროუ ლონდონელ პუბლიცისტს, ელენს თამაშობს. ფილმი გვიჩვენებს, თუ რა მოხდებოდა, მას რომ მატარებლისთვის კარის დაკეტვამდე მიესწრო ან ვერ მიესწრო.
Joy – ჯოი
ერთი ოჯახის ოთხი თაობის ქალის ისტორია. ოჯახის, რომელიც ქვეყნის ერთ-ერთი ყველაზე ძლიერი და წარმატებული ბიზნესდინასტიის ფუძემდებელია.
Peacefull warrior – მშვიდობიანი მებრძოლი
დენ მილმენი კოლეჯის ნიჭიერი გიმნასტია, რომელიც ოცნებობს ოლიმპიურ თამაშებში მონაწილეობაზე. მას ყველაფერი აქვს: ჯილდოები, მეგობრები გუნდში, ჩქაროსნული მოტოციკლეტები, გოგონები და წვეულებები. დენის სამყარო უკუღმა ამოტრიალდება, როდესაც ის შეხვდება საიდუმლო უცნობს, სახელად სოკრატეს.
Inception – დასაწყისი
დომ კობი – ნიჭიერი ქურდი, საუკეთესო საუკეთესოთა შორის – ის იპარავს ძვირფას საიდუმლოებებს ქვეცნობიერის სიღრმეებიდან, როდესაც ადამიანს სძინავს. იშვიათი ნიჭი მას ჯაშუშთა სამყაროში შეუცვლელს ხდის, მაგრამ ამავე დროს, ეს სამყარო ართმევს ყველაფერს, რაც უყვარდა.
Butterfly effect – პეპლის ეფექტი
ახალგაზრდა ბიჭი ცდილობს ბავშვობის მოგონებები აღიდგინოს. ის მიაგნებს გზას, რომლის დახმარებითაც წარსულში გადადის და კვლავ ბავშვია, მას შეუძლია მოვლენების განვითარება შეცვალოს, მაგრამ მალე ხვდება, რომ ყველა ამ ცვლილებას გაუთვალისწინებელი შედეგები მოჰყვება.
Cloud atlas – ღრუბლის ატლასი
ტომ ტაიკერისა და ვაჩოვსკების მიერ გადაღებული ფილმი. 6 განსხვავებული ისტორია, რომელიც ხდება დროის სხვადასხვა პერიოდში, მე-19 საუკუნიდან დაწყებული, პოსტაპოკალიპტური მომავლის ჩათვლით. ექშენი, მისტიკა და რომანტიკა ერთსულოვნადაა შერწყმული, სადაც მკვლელი შეიძლება გმირად მოგვევლინოს, პატარა სიკეთე კი საუკუნეების შემდეგ რევოლუციურ ცვლილებებს იწვევდეს.
What dreams may come – საით მივყავართ ოცნებებს
კრის ნელსონი სამოთხეში აღმოჩდება. ახლა მას მხოლოდ ერთი რამ აკლია: ცოლი. კრისის სიკვდილის შემდეგ მისმა ცოლმა თავი მოიკლა და ჯოჯოხეთში მოხვდა. კრისი უარს ამბობს სამუდამო სიმშვიდეზე და ცოლის დასაბრუნებლად ქვესკნელში ჩადის.
