ქალბატონების საყვარელმა კომპანიამ More Beauty-მ, 3 წლის იუბილე თავის შოურუმში, ექსპო ჯორჯიას მე-9 პავილიონში, ერთგულ მომხმარებლებთან და პარტნიორ ინფლუენსერებთან ერთად აღნიშნა. OK! გაესაურა კომპანიის დამფუძნებელს, მარიამ ვაზაგაშვილს, ბრენდის შექმნის პროცესზე, ახალ პროდუქტებზე, სამომავლო გეგმებზე, განვლილ წლებსა და იუბილეზე.
ცოტა ხნის წინ More Beauty-მ საზეიმოდ აღნიშნა 3 წლის იუბილე. გვესაუბრეთ იმ გზის შესახებ, რომელიც დღემდე განვლო კომპანიამ.
განვლილ 3 წელს, დასაწყისიდან-დღემდე, უპირველეს ყოვლისა, სიამაყით ვუყურებთ და ვიხსენებთ უამრავ ბედნიერ, ემოციურ, სიხარულით და სიყვარულით სავსე მოგონებას. აგრეთვე გვახსენდება საიდან დაიწყო ყველაფერი და სად ვართ ახლა ჩვენი გუნდის შრომის, ძალისხმევისა და მონდომების შედეგად. More Beauty ერთი დიდი ოჯახია, რომელიც სულ უფრო და უფრო იზრდება, სიყვარულით აკეთებს იმ საქმეს, რომელიც აბედნიერებს და რაც ყველაზე მთავარია, დიდი იმედით, ენთუზიაზმით, საოცარი იდეებით და უდიდესი სტიმულით ვგეგმავთ მომავალს.
ვინ ესწრებოდა კომპანიის 3 წლის იუბილეს?
სამწუხაროდ, პანდემიის გამო, იუბილე არ ყოფილა გრანდიოზული და ხალხმრავალი. რეგულაციებიდან გამომდინარე, ეს დღე სიმბოლურად, ჩვენს ერთგულ მომხმარებლებთან და პარტნიორ ინფლუენსერებთან ერთად აღვნიშნეთ. დაბადების დღეზე 25 სტუმარი იმყოფებოდა და გავათამაშეთ 40-მდე პრიზი. სტუმრებს ადგილზე დახვდათ ლამაზი, სადღესასწაულო და საზაფხულო გარემო, მუსიკა, ფურშეტი და ბევრი სიურპრიზი.
სამომავლო გეგმები.
როგორც უკვე აღვნიშნეთ, ბევრ სიახლეს ვგეგმავთ მომავალში. ამ ეტაპზე აქტიურად ვმუშაობთ ჩვენი არსებული სიახლეების გაცნობაზე, ასევე ჩვენს Youtube არხზე, სადაც საოცარი ამბები იგეგმება. აგრეთვე იგეგმება ყველაზე გრანდიოზული გათამაშება მათ შორის, რაც 3 წლის მანძილზე გვქონია. ვიწყებთ ერთგული მომხმარებლების კამპანიას და ვგეგმავთ სხვადასხვა ღონისძიებებს, რისი მეშვეობითაც საშუალება მოგვეცემა უფრო კარგად გავიცნოთ ჩვენი ერთგული მომხმარებლები, პარტნიორები და კომპანიის მეგობრები.
ტექსტი: მარიამ მთივლიშვილი
