“მინდა, რომ როდესაც საზოგადოებაში შემომხედავენ, დაინახონ ადამიანი, ისევე როგორც ყველა დანარჩენი. გარშემო ხშირად მესმის – “ის ხომ არ არის შექმნილი ბუნებრივი გზით, მისი ადგილი აქ არ არის”. მე ხომ არ ვარ სამეცნიერო ექსპერიმენტი, მე ისეთივე რეალური ადამიანი ვარ, როგორიც თქვენ” – ჯოზეფინ სკრივერი.
დღევანდელ დღეს, 17 მაისს “ვიქტორია სეკრეტის” ყოფილი ანგელოზი ჯოზეფინ სკრივერი განსაკუთრებულად აღნიშნავს.
ძალიან ცოტა ადამიანმა თუ იცის მსოფლიოს ერთ-ერთი ყველაზე მაღალანაზღაურებადი მოდელის ისტორია… ვარსკვლავის, რომლის მამა გეია, დედა კი ლესბოსელი.
ჯოზეფინის დედამ 1992 წელს ლგბტ ჟურნალში წერილი გამოაქვეყნა, სადაც აღნიშნავდა, რომ შვილის გაჩენა სურდა და პროცესის მონაწილე, მსურველ მამაკაცს ეძებდა.
განცხადებას რამდენიმე მამაკაცი გამოეხმაურა, საიდანაც ჯოზეფინის დედამ სასურველი ვარიანტი აარჩია.
“როდესაც მე გავჩნდი, დედა მარტო იყო, მამაჩემი კი დაქორწინებას გეგმავდა. კვირის დღეებს დედასთან ერთად ვატარებდი, შაბათ-კვირას კი მამასთან და მის ქმართან. ზუსტად 9 წლის შემდეგ მათ გადაწყვიტეს მეორე შვილის ყოლა, სწორედ ასე გაჩნდა ჩემი ძმა”.
“დედაჩემი და მამაჩემი ყოველთვის ღიად საუბრობდნენ ჩვენი ოჯახის ისტორიაზე, მე ძალიან კარგი ადამიანების გარემოცვაში ვიზრდებოდი და ამით ძალიან ვამაყობ. იმედია, ადამიანები დროთა განმავლობაში გაიაზრებენ იმას, რომ მსგავსი გზებით გაჩენილი ბავშვებიც ჩვეულებრივ ადამიანებად იზრდებიან”.
