XXI საუკუნეში მოდის ინდუსტრიამ დიდი ცვლილება განიცადა, წლების მანძილზე განსხვავებული და ორიგინალური ელემენტების შერწყმით ვითარდებოდა.
მოდის ტენდენციები უმეტეს შემთხვევაში დიდხანს არ გრძელდება, მისი მიზანი სიახლისკენ სწრაფვაა, საზოგადოება მოდის ტენდენციებს მიჰყვება, თუმცა სტილი მხოლოდ მოდით არ იქმნება, ის თითოეული ადამიანის პიროვნული მახასიათებელია, ამიტომაც მოდა საზოგადოების ინტერესების განვითარებასთან და მოთხოვნილებებთან ერთად იცვლება. თუმცა, ტენდენცია, რომელიც გარკვეულ პერიოდში მკვიდრდება, რამდენიმე ათწლეულის შემდეგ ხშირად ისევ აქტუალური ხდება. მაგალითად, 90-იან წლებში გავრცელებული “ანგორას” სქელი სვიტერები, ჯინსის მაღალწელიანი შარვლები, ტყავის პალტოები და რამდენიმე ზომით დიდი და უფორმო, ჭრელი სპორტული ქურთუკები, დღესაც არ კარგავს აქტუალობას. ერთ-ერთი ყველაზე პოპულარული აქსესუარი, რომელიც 2021 წელს ძალიან პოპულარულია ეს მინი ჩანთაა.
