მილანში მნახველებისთვის პირველად გაიხსნება ლეონარდო და ვინჩის იშვიათი ფრესკა, რომელიც სფორცას ციხესიმაგრის ჭერზეა განთავსებული. დამთვალიერებლები 6 მეტრიან სარესტავრაციო ხარაჩოზე ასვლას და ნახატის ახლოდან დათვალიერებას 7 თებერვლიდან 14 მარტამდე შეძლებენ. Artnet News-ის ცნობით, 14 მარტის შემდეგ, სამუშაოების დასრულების მიზნით, დარბაზი კიდევ 18 თვით დაიხურება.
ცნობილია, რომ სფორცას ციხესიმაგრის დიზაინზე, რომელიც მე-15 საუკუნეში, ძველი შენობის ნანგრევებზე აიგო, არაერთმა ხელოვანმა და არქიტექტორმა იმუშავა. მათ შორის იყო ლეონარდო და ვინჩი, რომელმაც „ხის ფიცრების ოთახი“ მოხატა.
და ვინჩიმ ფრესკაზე მუშაობა 1498 წელს, ჰერცოგ ლუდოვიკო სფორცას შეკვეთით დაიწყო. ოთახი ერთმანეთში გადახლართული ვაზის, 16 ხის, ფესვებისა და ქვების გამოსახულებით მოიხატა. 1499 წელს, მეორე იტალიური ომის დროს, საფრანგეთმა მილანის საჰერცოგო დაიპყრო. მას შემდეგ, რაც ჰერცოგი ლუდოვიკო სფორცა ქვეყნიდან გაიქცა, ციხესიმაგრეში ფრესკები გადაღებეს და მისი სამხედრო მიზნებისთვის გამოიყენეს ბრძანეს.
მკვლევარებმა ლეონარდო და ვინჩის ფრესკა მხოლოდ მე-19 საუკუნის ბოლოს აღმოაჩინეს და მე-20 საუკუნეში აღადგინეს. ამჟამად, რესტავრატორები კედელში შეღწეული მარილების მოსაშორებლად და ნახატის ზედაპირის გასაწმენდად იაპონური ბრინჯის ქაღალდსა და დემინერალიზებულ წყალს იყენებენ.
დღეს სფორცას ციხესიმაგრის კარი ყველასთვის ღიაა, სადაც არა მარტო წარჩინებულთა ყოფაზე შეიტყობთ, არამედ ცნობილი ხელოვნების ნიმუშებსაც იხილავთ.
ასევე დაგაინტერესებთ
#OK! როგორ გაქრა „მონა ლიზა“ ლუვრიდან? – “საუკუნის ქურდობის” ისტორია
