თუ გსურთ სასიამოვნო დასვენება და მუშაობა ერთმანეთს შეუთავსოთ, და ამასთანავე ვერ ახერხებთ თბილისიდან გასვლას, მაშინ სასტუმროს „მერკური თბილისი ძველი ქალაქი“ უნდა ეწვიოთ, რომელიც იდეალური ადგილია როგორც დასასვენებლად, ისე ნებისმიერი სახის შეხვედრისა თუ კონფერენციის ჩასატარებლად. ბევრი ადამიანი სტუმრობს საქართველოს დედაქალაქს − თბილისს, ბიზნეს ან ტურისტული მიზნებით, ხოლო Mercure Tbilisi Old Town კიდევ უფრო ახლოს გაგაცნობთ უძველეს ქალაქს და მის კულტურას.
ლოკაცია
სასტუმროს ადგილმდებარეობით მაქსიმალურად შეიგრძნობთ ქალაქის კულტურასა და არქიტექტურას.
„მერკური თბილისი ძველი ქალაქი“ მდებარეობს თბილისის ცენტრში, 5 წუთის სავალ მანძილზე მეტეხის ტაძრიდან. სასტუმროში არის რესტორანი „ძველი ქალაქი“, ლობი ბარი, „სქაი7“ ტერასა და ლაუნჯ-ბარი, რომელიც გთავაზობთ თბილისის შესანიშნავ ხედებსა და სასმელების ნაირსახეობას. მრავალი კაფე, ბარი და გალერეა მდებარეობს 5 წუთის სავალ მანძილზე სასტუმროდან. ასევე, ახლოსაა ცნობილი გოგირდის აბანოები, ნარიყალას ციხე-სიმაგრე, შარდენის ქუჩა და მეიდანი. „მერკური თბილისი ძველი ქალაქი“ 16 კმ-ით არის დაშორებული თბილისის საერთაშორისო აეროპორტიდან.
სასტუმროში 108 ოთახია, რომელიც დაყოფილია 5 კატეგორიად:
Standard Single – 12
Standard Double – 7
Standard Twin – 29
Superior Double – 37
Privilege – 22
Executive – 1
სამუშაო სივრცე
საკონფერენციო დარბაზი აღჭურვილია უახლესი საჭირო ტექნოლოგიებით, რომელიც უზრუნველყოფს ნებისმიერი დონისა და მიმართულების ღონისძიების წარმატებას. ასევე, თქვენ დაგხვდებათ ლობი – სამუშაო ადგილი. ეფექტური ბიზნესკუთხე და უახლესი ტექნოლოგიები. ეს ყველაფერი კი იმისათვის, რათა თქვენი მუშაობის პროცესი იყოს უფრო მოქნილი და კომფორტული.
Asado Steakhouse
გამორჩეული და მყუდრო ინტერიერი, უგემრიელესი კერძები და პროფესიონალთა გუნდი მუდმივად ზრუნავს, რომ თქვენი სტუმრობა ASADO Steakhouse-ში იყოს დაუვიწყარი.
აგრეთვე, „სქაი7“ ტერასა და ლაუნჯ-ბარი გთავაზობთ უნიკალურ მენიუს უიშვიათესი კერძებით. სასიამოვნო და კომფორტულ გარემოსთან ერთად, აქ შეგიძლიათ დატკბეთ ქალაქის ულამაზესი ხედებით, დააგემოვნოთ უგემრიელესი კერძები, სასმელები და შექმნათ დაუვიწყარი მომენტები.
