ახალი წელი და შობა საჩუქრების, საოჯახო შეკრებებისა და გემრიელი საჭმელის გარეშე წარმოუდგენელია. ამ დროს ყველა სახლში სუფრა ტკბილეულით სავსეა, ამიტომ დღესასწაულებზე რამდენიმე კილოგრამის მომატება გარდაუვალია.
საქმე წონაში კი არა, ჯანმრთელობაშის ზიანშია, რომელიც გემრიელი კერძების მარათონს მოჰყვება. რა თქმა უნდა, დღესასწაულების დროს დიეტის დაწყება არასასურველია, თუმცა რამდენიმე მარტივი წესი ცდუნებებთან გამკლავებაში დაგეხმარებათ.
- დაიწყეთ დილა მცირე ვარჯიშით
დღე ყოველთვის მსუბუქი აქტივობით დაიწყეთ, რათა სხეული გააღვიძოთ და საკვების მიღებამდე საჭმლის მონელებას ხელი შეუწყოთ. გაისეირნეთ თოვლიან ქუჩებში ან სახლში ივარჯიშეთ და თავს გაცილებით უკეთ იგრძნობთ.
- მაგიდასთან მშიერი ნუ დაჯდებით
ახალი წლის დღეებში დაბალანსებული, ცილებით მდიდარი საუზმე და ნოყიერი სადილი მიირთვით. ეს დაგეხმარებათ, რომ სადღესასწაულო სუფრის დროს ნაკლები ჭამოთ.
- დალიეთ მეტი წყალი
საკმარისი რაოდენობით წყლის მიღებამ შეიძლება კალორიების წვის პროცესი დააჩქაროს და წონის კლების პროცესში დაგეხმაროთ. თუ დღის განმავლობაში 8 ჭიქა ან მეტ ცივ წყალს დალევთ, დაახლოებით 100კლ კალორიას დაწვავთ. ჭამამდე 1 ჭიქა წყლის მიღება საკვების რაოდენობის შემცირებაში დაგეხმარებათ. ამასთან, ეცადეთ ტკბილი გაზიანი სასმელები სუფთა წყლით ჩაანაცვლოთ.
- ჭამის დროს არ იჩქაროთ
/imgs/2023/12/22/12/6284771/5e9d6f38c1a3f03acd90d723859e352c88af25b7.jpg)
ჭამის დროს ეცადეთ მშვიდ გარემოში იყოთ და არ იჩქაროთ. საკვები კარგად დაღეჭეთ და პერიოდულად, შეისვენეთ, რათა ორგანიზმმა დანაყრება იგრძნოს.
- ჭამის შემდეგ გაისეირნეთ
ეცადეთ ჭამის შემდეგ 10-15 წუთი გაისეირნო, რათა საჭმლის მონელება გააუმჯობესოთ და ორგანიზმს საკვების ადვილად მონელებაში დაეხმაროთ. შეგიძლიათ სასეირნოდ ოჯახის წევრები ან მეგობრებიც კი მოიწვიოთ.
- უსმინეთ თქვენს სხეულს
ყურადღება მიაქციეთ სხეულიდან მომდინარე შიმშილისა და დანაყრების სიგნალებს. მიუხედავად იმისა, რომ საახალწლო კერძები გამორჩეულად გემრიელია, ნუ მიირთმევთ, თუ უკვე დანაყრდით. მაშინაც კი, თუ მეგობრები ახალი, საფირმო სალათის გასინჯვას გთხოვენ, უმჯობესია უარი თქვათ. შეზღუდეთ საკვების რაოდენობა. გახსოვდეთ, რომ სტუმრობისას გემრიელი კერძების გასინჯვა მოგიწევთ, ამიტომ სახლში მხოლოდ ის კერძები მოამზადეთ, რისი გადაყრაც არ მოგიწევთ დღესასწაულების დასრულებისთანავე.
ასევე დაგაინტერესებთ
