ჩვენი ვიდეორუბრიკის OK! MEN – ის სტუმარია ტელეწამყვანი და მომღერალი თემო საჯაია, რომელსაც ქართველი ხალხი ძირითადად ეკრანიდან იცნობს. თემომ OK!-თან ინტერვიუს დროს ისაუბრა მუსიკაზე, გატაცებაზე, სპორტზე, პოდკასტინგზე და სხვა მრავალ საინტერესო თემაზე.
მუსიკა…
ბავშვობიდან გადაწყვეტილი მქონდა, რომ უნდა ვყოფილიყავი მუსიკაში. ამიტომ არც მქონდა არასდროს ფიქრი, რომ სხვა პროფესიას ავირჩევდი. ვმონაწილეობდი რამდენიმე კონკურსში, მათ შორის, პირველი იყო ნუცას სკოლა, შემდეგ საერთაშორისო კონკურსი Golden Stag, რომელიც რუმინეთში ჩატარდა. ასევე 2009 წელს მონაწილეობა მივიღე სატელევიზიო შოუ „ვარსკვლავების აკადემიაში”, სადაც ვიყავი ფინალისტებს შორის. ამჟამად კი მყავს ცემი ბენდი სახელწოდებით BIG-BAND.
პოდკასტი…
მაქვს ჩემი პოდკასტი, რომლის ფარგლებშიც ძალიან ბევრ სპორტსმენს ვხვდები, ვწერ და პოდკასტის სტილში ვლაპარაკობთ. ჩემი რესპონდენტები ის ადამიანები არიან, რომლებიც ამ ქვეყნის მომავალს ქმნიან, აწმყოსაც და ის ხალხი, ვინც წარსულს ქმნიდა.
გატაცება…
შეიძლება ბევრმა არ იცის, მაგრამ სერიოზულად გატაცებულ-დაკავებული ვიყავი ცხენოსნობით. უბრალოდ ჩემგან ჟოკეი არ გამოვიდოდა, იმიტომ, რომ ძალიან დიდი ვარ ტანად მაგისთვის. ისედაც სულ ვარჯიშობ დარბაზში, ასევე დავრბივარ და ა.შ
როგორია თემო საჯაიას playlisti?
ჩემი ფლეილისთი თუ შეიძლება ითქვას არის მრავალფეროვანი. თუ არის სადმე ისეთი შემთხვევა, რომ დავჯდე და რაღაცას უნდა მოვუსმინო, არის რაღაცები რაც ძალიან მიყვარს და ხშირად ვუსმენ „Earth, Wind & Fire“ მაგალითად.
