სადაზღვეო კომპანია „პრაიმსა“ და „პროფის“ შორის გაფორმებული მემორანდუმი ითვალისწინებს იმ სახის ფინანსური რისკის დაზღვევას, რამაც შეიძლება გამოიწვიოს ფინანსური ზარალი, რომელიც შეკვეთის შესრულებისას შესაძლოა წარმოიშვას. შეგახსენებთ, რომ ევროპული ინვესტიციებით შექმნილი დასავლური სტანდარტის სადაზღვევო კომპანია „პრაიმი“ მომხმარებელს სთავაზობს როგორც სამედიცინო, ისე არასამედიცინო სადაზღვევო პროდუქტების მთლიან სპექტრს. ხოლო PROFY წარმოადგენს პლატფორმას, რომელიც საშუალებას გაძლევთ ისარგებლოთ ხელოსნისა და დამლაგებლის მომსახურების სერვისით. აღნიშნულ პარტნიორობაზე უფრო ვრცლად „პრაიმის“ კორპორაციული გაყიდვების მენეჯერი – თორნიკე ბილიხოძე და „პროფის“ საოპერაციო მენეჯერი, ვანო მაზმანიანი გვესაუბრნენ.
გვესაუბრეთ „პრაიმისა“ და „პროფის“ შორის დადებულ მემორანდუმზე…
(თორნიკე): „პრაიმისა“ და „პროფის“ შეთანხმებაზე მუშაობა მომხმარებლისთვის დამატებითი ბენეფიტის, კომფორტის შექმნის მიზნით დავიწყეთ. ჩვენი ერთობლივი პარტნიორული შეთავაზება კი მომხმარებელს სთავაზობს: იმ სახის ფინანსური რისკის დაზღვევას, რამაც შეიძლება გამოიწვიოს ფინანსური ზარალი, რომელიც შეკვეთის შესრულებისას შესაძლოა წარმოიშვას.
(ვანო): ბუნებრივია, როდესაც საკითხი ეხება სერვისს – არსებობს გარკვეული რისკები, რომლებიც გამოწვეული შეიძლება იყოს ადამიანური გაუფრთხილებლობით, დაუკვირვებლობით ან შემთხვევითობით. „პროფის“ პლატფორმაზე მომხმარებელს შეუძლია მოძებნოს მისთვის სასურველი სერვისი 1000-მდე აქტიური სერვისიდან და აარჩიოს სასურველი პროფესიონალი 300-ზე მეტი აქტიური პროფესიონალიდან. „პროფის“ დაარსების დღიდან, გუნდი ცდილობს, რომ პლატფორმის მომხმარებელი ყველანაირად დაზღვეული იყოს არასასურველი რისკებისგან.
ახალი პროდუქტიც – „პროფესიული პასუხისმგებლობის დაზღვევაც“, რომელიც მომხმარებელს შეუძლია თავისი ნება-სურვილის მიხედვით შეიძინოს მინიმალურ 1.5 ლარად და დააზღვიოს 1500 ლარამდე არსებული ყველა თეორიული ქონებრივი რისკი, რაც შესაძლოა წარმოიშვას სამუშაოების შესრულების პროცესში – სწორად ამ დაცულობის მიზანს ემსახურება.
პრაქტიკაში განახორციელეთ თუ არა?
(თორნიკე): პრაქტიკაში თანამშრომლობის პერიოდში უკვე გვქონდა ასეთი შემთხვევები, რომლის მართვაც შეთანხმების ფარგლებში, წარმატებით წარიმართა და მომხმარებელი კმაყოფილი დარჩა მიღებული სერვისით.
შევახსენოთ ჩვენს მკითხველს „პროფისა“ და „პრაიმის“ სერვისების შესახებ…
(თორნიკე): „პრაიმი“ არის ევროპული ინვესტიციებით შექმნილი დასავლური სტანდარტის სადაზღვევო კომპანია, რომელიც აერთანებს სხვადასხვა სერვისს და მომხმარებელს სთავაზობს როგორც სამედიცინო, ასევე არასამედიცინო პროდუქტს. „პრაიმის“ მთავარი მიზანია, ყველა პროდუქტი, რომელიც წარმოდგენილი გვაქვს, მომხმარებლისთვის იყოს მაქსიმალურად მორგებული, ამას კი ჩვენი პროფესიონალებისგან დაკომპლექტებული გუნდი უზრუნველყოფს.
(ვანო): რაც შეეხება „პროფის“ სერვისს, შევქმენით პლატფორმა, რომლის გამოყენება მომხმარებელს შეუძლია როგორც აპლიკაციის, ასევე ვებგვერდის საშუალებით. პლატფორმა აერთიანებს ყველა მოთხოვნად და საჭირო საყოფაცხოვრებო სერვისებს, როგორიცაა: სხვადასხვა ტიპის დალაგება, ოსტატის ყველა ტიპის მომსახურება, ავეჯისა და ტანსაცმლის ქიმწმენდა და აიტი მომსახურება. საქართველოში პირველად, შესაძლებელი გახდა სხვადასხვა საყოფაცხოვრებო სერვისების აპლიკაციით მიღება. თითის სულ რამდენიმე დაწკაპუნებით, მომხმარებელს შესაძლებლობა აქვს აირჩიოს სასურველი სერვისი და აირჩიოს ისეთი პროფესიონალი, რომელიც სხვადასხვა კრიტერიუმიდან გამომდინარე, მისაღები იქნება მისთვის. შევქმენით პროფესიონალის შესარჩევი მარტივი ფილტრაციის ალგორითმი, რომელიც რეიტინგებზე, გამჭვირვალე საფასო სისტემასა და წინა მომხმარებლების დატოვებულ კომენტარებზეა აწყობილი.
მსგავსი ფორმით საჭირო პროფესიონალის მოძიების გამოცდილება სრულიად ახალი სიტყვა იყო ბაზარზე, როდესაც „პროფი“ იქმნებოდა – მაგრამ 3 წლის განმავლობაში ნათლად დავინახეთ, რომ შევქმენით მომხმარებლისთვის ძალიან საჭირო და მოსახერხებელი პროდუქტი.
სამომავლო გეგმები…
(თორნიკე): ჩვენი სამომავლო გეგმები უკავშირდება „პროფისა“ და „პრაიმის“ ერთობლივი პროდუქტის მეტი ადამიანისთვის გაცნობასა და ხელმისაწვდომობას. მიუხედავად უკვე საკმაოდ დიდი ცნობადობისა, ჩვენი მიზანია, კიდევ უფრო მეტმა ადამიანმა შეძლოს იმ კომფორტული მომსახურების მიღება, რომელსაც PROFY-PRIME მომხმარებელს სთავაზობს.
ჩვენი მიზანია, მოვიცვათ რაც შეიძლება მეტი ქალაქი და მეტი მომხმარებელი დავაინტერესოთ სხვადასხვა სერვისით (ამჟამად „პროფისა“ და „პრაიმის“ ერთობლივი შეთავაზება ხელმისაწვდომია მხოლოდ თბილისში. ვგეგმავთ, რომ აღნიშნული შეთავაზება გავრცელდეს სხვა ქალაქებშიც, ყველა იმ ქალაქში, სადაც „პროფი“ არის ხელმისაწვდომი). ახლო მომავალში კი ვგეგმავთ გავცდეთ საქართველოს ფარგლებს და „პროფი“ გახდეს პირველი ქართული საერთაშორისო აპლიკაცია საყოფაცხოვრებო სერვისების ინდუსტრიაში.
ტექსტი: სოფიო მალანია
ფოტო: ალექსეი სეროვი
