პრინცი ჰარი და მეგან მარკლი ნიუ-იორკში, Spring Studios-ში გამართულ ყოველწლიურ გალა-პროექტს „ჯანსაღი გონება“ (Project Healthy Minds) დაესწრნენ, რომელიც ფსიქიკური ჯანმრთელობის მსოფლიო დღეს მიეძღვნა.
სასექსის 44 წლის ჰერცოგინია წითელ ხალიჩაზე არმანის შავი ორეულით (4,690 აშშ დოლარი) და შავი ხავერდის ფეხსაცმლით (895 აშშ დოლარი) გამოჩნდა. ოფიციალურ ლუქს Anine Bing-ის ოქროს ყელსაბამი (600 აშშ დოლარი) ავსებდა. 41 წლის პრინცი ჰარი კლასიკურ კოსტიუმში იყო გამოწყობილი.
Посмотреть эту публикацию в Instagram
მეგანი და ჰარი სცენაზე ჯილდოს მისაღებად ავიდა, რომელიც ჰუმანიტარული საქმიანობით დაიმსახურა. წყვილს ჯილდო ოჯახებისა და ახალგაზრდებისთვის უსაფრთხო და სამართლიანი ონლაინ სივრცის შექმნის მცდელობისა და ფსიქიკური ჯანმრთელობის გაუმჯობესებაში შეტანილი წვლილისთვის გადაეცა. ჯილდოს მიღებისას მეგან მარკლმა უამრავი საქებარი სიტყვა მოისმინა. მას უწოდეს „დედა, ცოლი, მეწარმე და ქველმოქმედი“. „დეილი მეილის“ ცნობით, ჰარის დამსახურებებს შორის ფსიქიკური ჯანმრთელობის კომპანიებთან მუშაობა და მისი სკანდალური მემუარები დასახელდა.
