ქვეყანაში მოქმედი პანდემიის ფონზე, „მედ დიაგნოსტიკაში“ არსებული კლინიკური ლაბორატორია დაუღალავად შრომობს იმისთვის, რომ პაციენტებს მაქსიმალურად მოკლე დროში მიაწოდოს 100%-ით ზუსტი გამოკვლევების ჩატარების სერვისი. ლაბორატორია აღჭურვილია უახლესი აპარატურით და დაკომპლექტებულია პროფესიონალი კადრით, რაც გამორიცხავს შეცდომის დაშვებას. გამოკვლევების ჩატარება შესაძლებელია როგორც ლაბორატორიაში, ისე ლაბორატორიის ადგილზე გამოძახების საშუალებით. დეტალური ინფორმაციისთვის OK! გაესაუბრა „მედ დიაგნოსტიკის“ კლინიკური ლაბორატორიის ხელმძღვანელს, ინა დიდიას.
პირველად როდის დაიწყო ფუნქციონირება „მედ დიაგნოსტიკის“ კლინიკურმა ლაბორატორიამ და რა გზა განვლო?
„მედ დიაგნოსტიკაში“ არსებულმა კლინიკურმა ლაბორატორიამ ფუნქციონირება დაიწყო დეკემბრის ბოლოს. პირველად დიღომში ვიმყოფებოდით, გაფართოების შემდეგ კი გადავედით ვაკის ფილიალში. ლაბორატორია აღიჭურვა უახლესი აპარატურით − როგორც სრულად ავტომატური, ისე ნახევრად ავტომატური ანალიზატორებით. ლაბორატორია დაკომპლექტდა მაღალკვალიფიციური პროფესიონალი კადრით, რაზეც მეტყველებს თანამშრომლების გამოცდილება და ნდობის მაღალი მაჩვენებელი საზოგადოების მხრიდან. აღსანიშნავია ისიც, რომ ვმუშაობთ თანამედროვე სტანდარტის დაცვით.
რა ტიპის გამოკვლევები ტარდება „მედ დიაგნოსტიკაში“ არსებულ კლინიკურ ლაბორატორიაში?
ჩვენთან ტარდება თითქმის ყველა ტიპის გამოკვლევა, როგორიც არის ზოგადკლინიკური, ბიოქიმიური და იმუნოლოგიური კვლევები. აგრეთვე, ჩვენთან შესაძლებელია ყველა სახის Check-up გამოკვლევის ჩატარება. ვინაიდან ჩვენ ორიენტირებულნი ვართ პაციენტების კომფორტზე, მათ ასევე ვთავაზობთ ადგილზე გამოძახების სერვისს, რაზეც ძალიან დიდი მოთხოვნაა.
გვესაუბრეთ თქვენთან ჩატარებული გამოკვლევების სანდოობასთან დაკავშირებით.
ანალიზატორების უმრავლესობა არის ავტომატური, რაც მაღალ შედეგს იძლევა. ამდენად, აღჭურვილობა და პროფესიონალთა გუნდის ურთიერთშეთანხმებული მუშაობა აბსოლუტურად გამორიცხავს ნებისმიერი ტიპის შეცდომის დაშვებას. ყოველდღიური შიდა კონტროლი კი უზრუნველყოფს ანალიზატორების გამართულად მუშაობას. შესაბამისად, კვლევის შედეგი ყოველთვის 100%-ით ზუსტია.
გვესაუბრეთ „მედ დიაგნოსტიკაში“ არსებული კლინიკური ლაბორატორიის მედპერსონალის შესახებ.
ჩვენთან მუშაობს მაღალკვალიფიციური პროფესიონალი კადრი, რომელთა გამოცდილება დაახლოებით 10 წელია და ემსახურებიან, უპირველეს ყოვლისა, ადამიანის ჯანმრთელობას. მნიშვნელოვანია ის ფაქტიც, რომ ისინი უზრუნველყოფენ ზუსტი პასუხების მაქსიმალურად მოკლე დროში პაციენტისთვის მიწოდებას.
რამდენად გაიზარდა მომართვიანობა პანდემიის ფონზე?
მოგეხსენებათ, თუ რამდენად მნიშვნელოვანია აკონტროლო საკუთარი ჯანმრთელობა, განსაკუთრებით კი მაშინ, როდესაც ასეთი ვერაგი ვირუსი მძვინვარებს ქვეყანაში. ამდენად, პაციენტებს, რომელთაც სურთ ჩაიტარონ „კოვიდ-19“-თან დაკავშირებული სპეციალური ტესტები − კოაგულოგრამა, D-დიმერის კონცენტრაციის რაოდენობრივი განსაზღვრა, სისხლის საერთო და C-რეაქტიული ცილის რაოდენობრივი განსაზღვრება − ვთავაზობთ ბინაზე გამოძახების სერვისს, რაც მეტად კომფორტულია მათთვის. რა თქმა უნდა, ეს სერვისი ნებისმიერი ადამიანისთვისაა, თუმცა ამით განსაკუთრებით ხელს ვუწყობთ მათ, ვისაც მოძრაობა აქვთ შეფერხებული და ფიზიკურად ვერ ახერხებენ დახმარების გარეშე გარეთ გასვლას. მომართვიანობა ამ მხრივაც ძალიან დიდია და ჩვენი ექიმები დაუღალავად შრომობენ იმისთვის, რომ პაციენტებს მაქსიმალურად ხარისხიანი მომსახურება შესთავაზონ. რაც შეეხება უშუალოდ ამ ანალიზების მნიშვნელობასა და საჭიროებას, D-დიმერის შემოწმება თრომბოზის რისკის განსაზღვრის მიზნით ხორციელდება. C-რეაქტიული ცილის განსაზღვრა რეკომენდებულია ინფექციური და ანთებითი დაავადებების მონიტორინგისთვის. კოაგულოგრამა კი უმნიშვნელოვანეს ინფორმაციას გვაწვდის სისხლდენის, ქირურგიული ჩარევის, თრომბოზის განვითარებისა და მათი პროფილაქტიკისთვის. ამდენად, ეს გამოკვლევები საჭიროა ჩაიტაროს თითოეულმა კოვიდინფიცირებულმა ადამიანმა, რათა ვირუსის მართვა უფრო ეფექტური გახადოს და ამით თავიდან აირიდოს მრავალი თანმდევი დაავადების განვითარების რისკი.
საკონტაქტო ინფორმაცია:
მის.: ვაკე, ლევან მიქელაძის ქ. N3
ტელ: 0322800200
ტექსტი: მარიამ მთივლიშვილი
ფოტო: ალექსეი სეროვი
