უგემრიელესი კერძები, მყუდრო გარემო, ყურადღებიანი პერსონალი, იდეალური ლოკაცია… კიდევ რა არის საჭირო იმისთვის, რომ მაქსიმალურად ვისიამოვნოთ და განვიტვირთოთ დამღლელი ყოველდღიურობისგან? დიახ, ეს ყველაფერი ერთად არის თავმოყრილი რესტორან „თავადურში“, რომელიც უკვე წლებია ერთგულად ემსახურება მომხმარებელს და უმასპინძლდება გამორჩეული არომატებით. ამ და სხვა საინტერესო საკითხების შესახებ რესტორან „თავადურის“ დირექტორის მოადგილეს და ივენთმენეჯერს, ანჟელა წოწორიას ვესაუბრეთ.
უპირველესად გაგვაცანით რესტორნის დაფუძნების ისტორია. რამდენი ხანია, რაც ბაზარზე ოპერირებს?
აქ თქვენ დაგხვდებათ ოთხი განხვავებული სივრცე, სხვადასხვა გემოვნების მქონე ადამიანებისთვის. რესტორანი, რომელიც 25 წელია ემსახურება მომხმარებელს, მეცხრამეტე საუკუნის თბილისის ისტორიულ პარკ „მუშტაიდში“ მდებარეობს და ძველი ქართული ელემენტების გათვალისწინებით არის დაპროექტებული.
რესტორან „თავადურის“ კლასიკური ინტერიერის დეტალები მეცხრამეტე საუკუნის მუშტაიდის პარკის ცნობილი რესტორნის ისტორიულ ილუსტრაციას ქმნის.
უფრო ვრცლად გაგვაცანით დარბაზების კონცეფცია.
როგორც უკვე აღვნიშნეთ, რესტორანს ოთხი განსხვავებული შინაარსისა და კონცეფციის დარბაზი აქვს, სწორედ ამიტომ „თავადურში“ მოსულ მომხმარებელს მრავალფეროვანი არჩევანი ხვდება, რომელთა შესახებაც უფრო ვრცლად გიამბობთ.
დარბაზი „სალხინოს“ შექმნა ინსპირირებულია ქართული ანტიკური კულტურისთვის დამახასიათებელი ელემენტებით. ინტერიერი უკავშირდება დადიანების ცნობილი მამულის – სალხინოს ისტორიას, რომელიც ცნობილი იყო თავისი უნიკალური ღვინოებით, ქვევრებითა და ხმაურიანი მოლხენით. დარბაზში მუდმივად დგას ახალგამომცხვარი პურის სუნი, რადგან დარბაზშივეა მოწყობილი თონე, ასევე სამწვადე და ქვევრები, რაც განსაკუთრებით მიმზიდველია ჩვენი უცხოელი სტუმრებისთვის. დარბაზი სალხინო მომხმარებლებს ემსახურება 24 საათის განმავლობაში.
დარბაზი „სათავადო“ და „სანადიმო“ ფურშეტების, ქორწილების, ბანკეტების და საქმიანი ვახშმებისთვისაა განკუთვნილი. ყოველ საღამოს დარბაზების სივრცეს ხალხური მუსიკის ჰანგებით, ქართულ-უცხოური მუსიკალური ნომრებითა და ტრადიციული კოსტიუმირებული ცეკვების შოუპროგრამა ავსებს, რაც განსაკუთრებით შთამბეჭდავია სტუმრებისთვის.
ღამით გართობის მოყვარულთათვის თავადურში ყველაზე საყვარელი ადგილი „თავადური მუშტაიდი ვერანდაა“. ყოველდღიურად ვერანდაზე მისულ სტუმრებს შესაძლებლობა აქვთ მოუსმინონ საყვარელ მუსიკას და თავადაც იმღერონ. უქმეებზე კი ტარდება ივენთები მოწვეული ბენდებითა და მომღერლებით.
სწორედ ეს არის რესტორან „თავადურის“ ნიშა, რომ ნებისმიერი ასაკისა და გემოვნების მქონე სტუმარზეა მორგებული სხვადასხვა კონცეფციის სივრცეები.
სამზარეულოს შესახებ გვიამბეთ.
„თავადური“ გთავაზობთ მდიდარი კულინარიული მემკვიდრეობის ავთენტურ კერძებს, როგორც ქართულს, ასევე ევროპულს. „თავადურის“ კერძები არა მხოლოდ გემოთი, არამედ საოცარი ესთეტიკით გამოირჩევა. პროფესიონალი მზარეულების დამსახურებით ყველა ჩვენი კერძი აკმაყოფილებს სხვადასხვა გემოვნების მომხმარებელს.
გუნდზეც მოგვიყევით.
დაუსრულებლად შემიძლია ვისაუბრო „თავადურის“ გუნდზე – ერთ დიდ ოჯახზე, რომელიც თავდაუზოგავად შრომობს ყველა იმ დეტალზე, რაც მაღალი დონის რესტორანში უნდა იყოს. მათი პროფესიონალიზმი, შრომისმოყვარეობა და ერთგულება საქმისადმი გვაძლევს იმ მაღალ ხარისხს, რომ მრავალი წელი ლიდერები ვიყოთ ბაზარზე.
ჩვენ ვართ ერთი გუნდი, გუნდი, რომელიც ყოველდღე მუშაობს, გეგმავს სიახლეებს, იმისთვის, რომ ვიყოთ უპირობოდ მაღალი დონისა და ხარისხის რესტორანი. წინ ბევრი საქმე და იდეები გვაქვს, ასე რომ, გელოდებით რესტორან „თავადურში“.
ტექსტი: ციაკო ღამბაშიძე
ფოტო: ნინი ლომაძე
