მარტი ყველაზე ქალური და რომანტიკული თვეა. გაზაფხულის, განახლების, გამოღვიძების პერიოდი და წლის ყველაზე შთამაგონებელი ეტაპია, რომელიც კიდევ უფრო მეტად გვარწმუნებს, რომ ქალებს ყველაფერი შეგვიძლია, რომ არ არსებობს გადაულახავი წინააღმდეგობა. ხანდახან, ყოველდღიურ რუტინაში ჩაკარგულებს, გვჭირდება შეგვახსენონ, რა მნიშვნელოვანი ადამიანები ვართ. სწორედ ამიტომ, კომპანია More Beauty-მ გადაწყვიტა ქალებს უთხრას, რომ მათთვის შეუძლებელი არაფერია და შეახსენოს თავიანთი განსაკუთრებულობა.
პირველი მარტიდან More Beauty სიურპრიზებში ჩაძირვას გპირდებათ − თქვენ გელოდებათ აქციები, საჩუქრები, დაუვიწყარი შთაბეჭდილებები.
კომპანია არაერთი კამპანიის დაწყებას გეგმავს, რომლის მიზანი მომხმარებლებზე ზრუნვა, მათთვის ბედნიერი წუთების ჩუქება, დაუვიწყარი შთაბეჭდილებების შექმნა და იმის მცდელობაა, რომ დაინახოთ, თუ რა ფასდაუდებელი ხართ თითოეული თქვენგანი.
საჩუქრები, ფოტოსესიები, საქველმოქმედო აქციები − ეს არასრული ჩამონათვალია იმ სიურპრიზებისა, რომელსაც კომპანია ქალებს უმზადებს.
„ქალებს ყველაფერი შეგვიძლია“, − ეს გახლავთ ერთ-ერთი კამპანიის სლოგანი, რომლის ფარგლებშიც, კომპანიის თანამშრომელი ქალების ფოტოებს ბრენდირებულ ჩანთებზე დაბეჭდავენ, ასევე, ჩანთებზე დააწერენ შთამაგონებელ ფრაზებს − ისეთებს, რომლებსაც მოტივაციის ამაღლება შეუძლია: „შენ ყველაფერი შეგიძლია“, „საუკეთესოს იმსახურებ“, „შენ გაიმარჯვებ“, „ყველაფერი გამოგივა“, „ყველაფერს მიაღწევ“, „შენ ამას შეძლებ“ და ა.შ.
კომპანიაში ამბობენ, რომ ხშირად ერთი ქალის წარმატება შესაძლოა ბევრისთვის შთამაგონებელი და მოტივატორი აღმოჩნდეს, ამიტომაც More Beauty-მ გადაწყვიტა მომხმარებელთა შორის წარმატებული ქალები ფართო აუდიტორიას გააცნოს და ყველას მოუყვეს მათ შესახებ.
გარდა ამისა, არც ამჯერად ივიწყებენ ერთგულ მომხმარებლებს და წელსაც More Beauty-ის ყველაზე ერთგული მომხმარებლები უნდა ელოდონ სასიამოვნო საჩუქრებს, წერილებსა და სხვა სიურპრიზებს.
„ჩვენ ყოველთვის ვანებივრებთ საკუთარ მომხმარებელს. მათი გახარება სიურპრიზებითა და სიახლეებით ჩვენთვის ერთგვარი ამოცანა და ტრადიციაა, რაც ძალიან გვახარებს.
გვექნება აქციები, საჩუქრები და სხვა მრავალი სიურპრიზი. სპეციალურად მარტისთვის გაყიდვაში ჩაეშვება სუნამოების ახალი ხაზი, სხეულისა და სახის მოვლის ახალი და ეფექტური საშუალებები. ეს ის არის, რაც ქალებს ნებისმიერ ასაკში სჭირდებათ და აბედნიერებთ“, − ამბობს More Beauty-ის დამფუძნებელი მარიამ ვაზაგაშვილი.
ეს ყველაფერი ამით არ სრულდება. More Beauty-ის პროდუქცია განსაკუთრებით პოპულარულია ემიგრანტებს შორის, ამიტომაც, 2-წლიანი მცდელობა, კომპანიას ჰქონოდა უცხოეთში უფასოდ მიწოდების სერვისი, წარმატებით დასრულდა და უკვე მარტიდან ემიგრანტებს შეეძლებათ უფასო მიწოდებით ისარგებლონ.
სილამაზის კომპანიაში შესანიშნავად იციან, რომ ყველაზე მომხიბვლელი ბედნიერი ადამიანია. ამიტომაც სურთ, მომხმარებელთა გაბედნიერებაში თავიანთი წვლილი შეიტანონ.
„ეს პროცესი ჩვენთვის არასდროსაა დამღლელი. წინ სასიამოვნოდ დატვირთული დღეები გველოდება. ჩვენ ვზრუნავთ და ვმუშაობთ, რათა გავახაროთ საკუთარი მომხმარებელი და როცა მათგან სასიამოვნო შეტყობინებებს ვიღებთ, ეს ყველაზე მეტად გვახარებს“, − ამბობენ More Beauty-ში.
ფოტო: ალექსეი სეროვი
