იტალიელი დიზაინერი და მოდის სახლის დამფუძნებელი მარიანო ფორტუნი მე-20 საუკუნის ერთ-ერთი მთავარი პერსონა გახლდათ. ახალგაზრდა ფორტუნი იყო პერსპექტიული მხატვარი, მოქანდაკე, არქიტექტორი, ფოტოგრაფი, მაგრამ არჩევანი დიზაინერობაზე შეაჩერა. იგი დაკავებული იყო აბრეშუმის წარმოებით ვენეციის კუნძულ გიუდეკაზე გახსნილ ქარხანაში. აღსანიშნავი ფაქტია, რომ თარგებით, აბრეშუმის ძაფებით, თასმებითა და მინის მძივებით შექმნა ლამპრები. ორიგინალური ნათურების წარმოება 1920-იანი წლების ბოლოს დასრულდა და 1980-იანი წლების დასაწყისიდან პირველი რეპლიკების გამოჩენა დაიწყო, თუმცა ტექნიკური სირთულიდან გამომდინარე, ვერავინ გაბედა მარიანო ფორტუნის ნამუშევრების გამეორება.
ფორტუნის სახელი უკავშირდება მე-20 საუკუნის ერთ-ერთ ყველაზე მნიშვნელოვან მოდის დიზაინერს. მისი სტრატეგიის წყალობით, ჩამოყალიბდა და გავრცელდა მე-20 საუკუნის სამოსის ძირითადი პრინციპები. მის მიერ შექმნილმა კაბების დიზაინმა შეცვალა ტანსაცმლის სტრუქტურა და გავლენა მოახდინა სხეულის ახალი სტრატეგიის ფორმირებაზე. ფორტუნიმ შექმნა ინდივიდუალური სტილი, რომელიც უძლებს ცვლილებებს.
მარიანო ფორტუნი ხშირად იყენებდა ბერძნული კულტურის გამომხატველ დეტალებს როგორც დეკორში, ასევე კოსტიუმებში. სწორედ ძველი ბერძნული ცივილიზაციის კონცეფცია გახდა ფორტუნის კაბების მთავარი მოტივი. მან ქალები გაათავისუფლა მჭიდრო კორსეტებისგან, რომელთა ტარება შეიძლებოდა ქამრით ან მის გარეშე.
