კომპანიის საქმიანობის დასაწყისში ძირითადი აქცენტი იყო კორპორაციულ გაყიდვებზე. ეს გახლდათ B2B გაყიდვების ბიზნესი არსებულ მსხვილ დეველოპერებთან, ჰოტელიერებთან და ჰორეკასთან თანამშრომლობით; იყო არაერთი დიდი თუ მცირე პროექტი, მკაცრი გრაფიკით, მასშტაბური მოცულობის სამუშაოთი და კიდევ სხვა მრავალი კომპონენტით. ერთი შეხედვით არცთუ იოლ პროცესს, კლიენტი დაერწმუნებინა, ხარისხიან პროდუქტში გადაეხადა თანხა, რომელიც არ გახლდათ უბრალოდ ზედმეტი ხარჯი, არამედ იყო ხარისხში, ეკოლოგიურ სისუფთავეში, დიზაინში, ენერგოეფექტურობაში გადახდილი საფასური, კომპანიამ თავი წარმატებით გაართვა. მას შემდეგ, Marazzi TG Showroom-მა არაერთხელ დაამტკიცა თავისი სანდოობა პროდუქციის გამძლეობით, ეკოლოგიური სისუფთავით, ენერგოეფექტურობით, დიზაინითა და თითოეული ამ კომპონენტის ხანგრძლივად შენარჩუნებით.
ხანგრძლივ ისტორიასთან და ბიზნესის მატებასთან ერთად, საცალო მიმართულების მომხმარებლებისგან დღითი დღე იზრდებოდა ინტერესი და მოთხოვნა კომპანიის აქტივობის მიმართ. შოურუმის გახსნის მთავარი მოტივაციაც 2018 წელს უპირველესად, სწორედ მომხმარებლის ნდობა და გაზრდილი მოთხოვნა გახდა, მიეღოთ ხარისხიანი და მრავალფეროვანი პროდუქცია უმაღლესი სტანდარტის მომსახურებასთან ერთად.
რაც შეეხება შოურუმში წარმოდგენილ პროდუქციას, აქ მომხმარებლებს დახვდებათ Marazzi, Ragno, Grande, Tavar, Hatria, Flexdoccia − მსოფლიოში აღიარებული წამყვანი ბრენდები, რომელთა უკან გამორჩეული დიზაინის, ხანგრძლივი ისტორიის, თანამედროვე ტექნოლოგიების, უნიკალური პატენტების, ხარისხისა და Made in Italy კონცეფციის გლობალურად წამყვანი კომპანიები დგანან. მათი პროდუქციიდან შოურუმში წარმოდგენილია კერამიკისა და კერამოგრანიტის ფილები, სანიტარული კერამიკა, პარკეტი და შემრევები.
აღნიშნულ ბრენდებს აქვს ძალიან მაღალი სტანდარტი, შოურუმის თანამშრომლები კი ადაპტირებულნი არიან კლიენტამდე იმ იდეის სწორად მიტანაზე თითოეული მათგანის ფილოსოფიაა.
აღსანიშნავია ის ფაქტიც, რომ კლიენტისთვის სწორი არჩევანი დამოკიდებულია როგორც დიზაინზე, ასევე გუნდზე, რომელიც მას პროდუქციის შერჩევის პროცესში ეხმარება. უდიდესი მნიშვნელობა აქვს განვითარებას, ცოდნის მუდმივ გამდიდრებას, გუნდისა და სერვისის ფორმულირებას მაღალი სტანდარტის შესაბამისად, რათა დიდი შესაძლებლობები, რომელსაც Marazzi TG Showroom მომხმარებელს სთავაზობს, სწორად მიიტანონ კლიენტამდე. აქ მოსული კლიენტი თავს გრძნობს არა სტანდარტულ მაღაზიაში, სადაც ის დისტანცირებულია, არამედ შინ, ოჯახში, სითბოსა და სიმყუდროვეში, სადაც მას მუდამ ელიან და იგი ყოველთვის მისაღებია. ეს არის ადგილი, სადაც თითოეულ მომხმარებელს ეხმარებიან და ჯეროვან მიმართულებას აძლევენ საკუთარი სურვილების რეალიზებისათვის. სწორედ ამგვარი გარემო და მომხმარებლისადმი მზრუნველი დამოკიდებულება გამოარჩევს Marazzi TG Showroom-ს.
დაბოლოს, ინოვაციურობა და კლიენტამდე ხარისხიანი პროდუქციის სწორად მიტანა ქმნის იმ საინტერესო და კლიენტისთვის მისაღებ სინთეზს, რომელიც შოურუმს აძლევს ზრდისა და გაფართოების წინაპირობას. ყოველივე ეს კი ქმნის მეტ ჯანსაღ გარემოს, მეტ თვალშისაცემ, ხარისხიან, ეკოლოგიურად სუფთა, ენერგოეფექტურ, მიმზიდველ პროექტს და მეტ დასაქმებულს.
