მართალია, უმაღლესი ხარისხის ბიოპროდუქტი – „მალონგოს“ ყავა საქართველოს ბაზარზე 2021 წლიდან გამოჩნდა, თუმცა თავად ბრენდს დიდი ისტორია აქვს, რომელიც 1934 წელს საფრანგეთში დაიწყო. დღეს კი ერთ-ერთი ყველაზე მოთხოვნადი ყავაა. გამორჩეული ფრანგული ყავის არომატი ქართველმა მომხმარებელმაც შეიყვარა. მისი შეძენა ონლაინ, საქართველოს წამყვან სასტუმროებსა და რესტორნებშია შესაძლებელი. როგორც კომპანიის გენერალური დირექტორი, ელენე ჯგერენაია, ჩვენთან საუბარში აღნიშნავს, იგეგმება მეზობელი ქვეყნის ბაზრის ათვისებაც.
(ელენე ჯგერენაია): 2021 წლიდან დღემდე არაერთ მნიშვნელოვან ღონისძიებაში ვმონაწილეობდით და გავზარდეთ ბრენდის ცნობიერება. ვთანამშრომლობთ საქართველოს წამყვან სასტუმროებსა და რესტორნებთან, თუმცა ამით არ შემოვიფარგლებით, და ჩვენ როგორც ერთადერთ ოფიციალურ პარტნიორს, გვაქვს გეგმები, ავითვისოთ მეზობელი ქვეყნის ბაზრებიც.
როგორ ასორტიმენტს სთავაზობს „მალონგო“ მომხმარებელს და რომელი ყავაა ყველაზე მოთხოვნადი?
„მალონგო“ მომხმარებელს სთავაზობს 48-მდე სხვადასხვა სახეობის მარცვალს, დაწყებული ეგრეთ წოდებული single origin-დან, რომელიც მოიცავს ყავის მარცვალს მხოლოდ ერთი წარმოშობით, დამთავრებული მისი განსაკუთრებული და უნიკალური ბლენდებით. მართალია, „მალონგოს“ მთავარი ხაზი ყავაა, მაგრამ ის ჩაის მრავალფეროვან ასორტიმენტსაც გთავაზობთ, რომელშიც ასევე იგრძნობა ხარისხისა და გემოვნების ჰარმონია.რაც მთავარია, ყველა პროდუქტი: ყავა, ჩაი და კაკაო არის ბიო.
გარდა ამისა, ჩვენთვის ძალიან მნიშვნელოვანი პროდუქტია ჩვენი ყავის პოდი ანუ კაფსულა, რომელიც წარმოებულია მხოლოდ გადამუშავებადი მატერიისგან და არ შეიცავს ალუმინს.
რაც შეეხება მარცვლებს, ყველაზე პოპულარული პროდუქტია ლიტალიენი და სელექთი (არაბიკისა და რობუსტას ნარევი), გრანდ რეზერვი, რომელიც 8 არაბიკის ნარევია და Blue Mountain, რომელიც არის ყველაზე ძვირადღირებული მარცვალი, მოიპოვება იამაიკაში და გვეამაყება, რომ ჩვენი ბრენდი გვაძლევს საშუალებას, ეს უნიკალური პროდუქტი შევთავაზოთ მომხმარებელს.
რა გამოარჩევს ფრანგულ ყავა „მალონგოს“ ბაზარზე?
საბედნიეროდ, ბრენდს ბევრი უპირატესობა აქვს. დავიწყებ იმით, რომ გვაქვს ძალიან დიდი არჩევანი და შეუძლებელია მომხმარებელმა ვერ აარჩიოს მისთვის სასურველი გემო. გარდა ამისა, მომხმარებელს ვთავაზობთ მრავალფეროვან ასორტიმენტს არა მხოლოდ მარცვლებში, არამედ ყავის პოდებსა და ჩაიში. რაც მთავარია, ვფიქრობ, რომ ყველაზე დიდი უპირატესობაა, რომ ჩვენი ყველა პროდუქტი არის ბიო.
აღსანიშნავია, რომ „მალონგო“ არის ერთ-ერთი პიონერი ყავის კომპანიებში, რომელიც ფლობს Fairtrade-ის ნიშანს. გარდა ამისა, ვცდილობთ ყველაფერი იყოს გადამუშავებადი, რათა გარემო არ დავაზიანოთ. და ამ ყველაფერს მომხმარებელს ვთავაზობთ მათთვის ხელსაყრელ ფასად. „მალონგოში“ მარცვლებს ვამოწმებთ ლაბორატორიულად, სანამ მომხმარებლამდე მივა, ამიტომ ზუსტად ვიცით, რომ ჩვენი ხარისხი არის უცვლელი.
სად შეიძლება მისი შეძენა?
ამ ეტაპზე ვოპერირებთ ონლაინფორმატში, სადაც ჩვენს სოციალურ ქსელში შეუძლია მომხმარებელს, მოგვცეს შეკვეთა და ჩვენ ადგილზე მივუტანოთ. თუმცა ძალიან მალე დავემატებით ბოლტ ფუდს, სხვადასხვა ონლაინმაღაზიასა და სუპერმარკეტებს. ნებისმიერ სიახლეს ჩვენსა და ბრენდის შესახებ ვაზიარებთ ჩვენი ინსტაგრამის გვერდზე, სადაც მომხმარებელს შეუძლია ჩვენს აქტივობებს თვალი ადევნოს.
სამომავლო გეგმები
როგორც ვახსენე, ერთადერთმა ოფიციალურმა დისტრიბუტორმა, გვინდა ავითვისოთ აზერბაიჯანისა და სომხეთის ბაზრები. ასევე ვგეგმავთ უფრო ფართოდ მოვედოთ საქართველოს ჰორეკა სექტორს. მნიშვნელოვანია განვავითაროთ ჩვენი საცალო გაყიდვები, რომელსაც სამომავლოდ დიდი ყურადღება დაეთმობა.
„მალონგო“ ერთ-ერთი წამყვანი ბრენდია ევროპაში, განსაკუთრებით კი საფრანგეთში, სადაც მას ყველაზე პრესტიჟულ სასტუმროებში შეხვდებით. ვამაყობთ, რომ ვართ მონაკოს გრან-პრის პარტნიორები და ვცდილობთ, რომ ბრენდის მაღალი სოციალური პასუხიმგებლობა საქართველოშიც გავატაროთ. სამომავლოდაც ვაპირებთ გავაგრძელოთ პარტნიორობა ჩვენთვის საინტერესო ბრენდებთან და საინტერესო ღონისძიებები დავაფინანსოთ. ანუ CSR -ის კუთხითაც დიდი გეგმები გვაქვს. და რაც მთავარია, გვინდა რეგიონში მნიშვნელოვნად გავზარდოთ ბიოყავის პოპულარულობა.
ტექსტი: სოფი მალანია
ფოტო: ალექსეი სეროვი
