აი, იწურება ზამთარიც.
თებერვლის ნომრის თემის შერჩევა ყოველთვის გვიჭირს. ნაახალწლევიდან გაზაფხულამდე გარდამავალი ეს ერთი თვე თითქოს ითხოვს, გავჩერდეთ და ბევრი რამ გადავაფასოთ.
სწორედ ამიტომ გადავწყვიტეთ თქვენთვის გვეჩვენებინა ის, რაც მარადიული და ყველაზე თბილია, რაც მთელი ცხოვრება მიჰყვება ადამიანს – მშობლებსა და შვილებს შორის არსებული უპირობო სიყვარული.
ეგზიუპერის სიტყვები – „ჩვენ ყველანი ბავშვობიდან მოვდივართ“ – კარგად გვახსოვს. მშობლები, ვინც ბევრს მუშაობენ, ხშირად განიცდიან შვილებთან ურთიერთობის დეფიციტს. ამაზე ერთმა ჭკვიანმა ფსიქოლოგმა მითხრა – მთავარი არ არის დროის რაოდენობა, მთავარია იმ დროის ხარისხი, როცა შვილთან ურთიერთობო. შეიძლება მთელი დღე გაატარო შვილთან და ვერაფერი მისცე, თუ გონება სხვაგანაა. ბავშვისთვის მთლიანად მიძღვნილი ერთი საათი ბევრად მნიშვნელოვანია, ვიდრე უხარისხოდ გატარებული მთელი დღე.
ჩვენი ნომრის მთავარი გმირი ნიკოლოზ წულუკიძეა. ადამიანი, ვინც ყველას ასე ძალიან უყვარს. მისი ისტორია რთული მოსასმენია… მაგრამ ეს არის მაგალითი, როგორ შეკრა ოჯახი ტრაგედიამ და როგორ იბრძვიან ერთად ამ ურთულესი პერიოდის გადასალახავად. დარწმუნებული ვარ, ამას შეძლებენ.
მოკლედ, ჩემი სათქმელი ერთი იყო – დროს ვერ შეაჩერებ და ის ზერელე ურთიერთობებში არ უნდა გაიფლანგოს.
რედაქტორის არჩევანი
ინტრავენურ თერაპიას მსოფლიოს ვარსკვლავები: მადონა, ბრედ პიტი, კენდალ ჯენერი, გვინეტ პელტროუ, ჯეინ ფონდა და სხვანი უკვე დიდი ხანია მიმართავენ სხვადასხვა პრობლემის იოლად მოსაგვარებლად. საბედნიეროდ, უკვე ჩვენც მოგვეცა ამის საშუალება. ჩვენ გირჩევთ Drops Wellness-ს, რომელსაც თბილისში, ი. აბაშიძის 48-ში შეგიძლიათ ეწვიოთ.
სახის მოვლა ზამთარში ძალიან მნიშვნელოვანია. ესტედერმის EVE შრატი შეუცვლელი პროდუქტი აღმოჩნდა, განკუთვნილია კანის განახლებისთვის, აჩქარებს რეგენერაციის პროცესს. კანის განახლება ხდება საკუთრივ ორგანიზმის პროცესების გააქტიურებით. განკუთვნილია ყველა ტიპის კანისთვის. მისი შეძენა PSP-ში შეგიძლიათ.
ყოფილხართ „კას ლენდ დაიმონდ რეზორტ“-ში? თუ ხელის თხოვნა გადაწყვიტეთ თქვენი რჩეულისთვის, უფრო რომანტიკულ ადგილს მსოფლიოში ვერ იპოვით.
არ არსებობს ქალი, ვისაც არ მოსწონს ლამაზი ყვავილები. თან ვალენტინობას განსაკუთრებულად უხდება წითელი თაიგულები. მე ყველაზე მეტად ყვავილების მაღაზია „ლავლი როუზის“ თაიგულები მომწონს. მათი შეძენა ვერაზე, ღამბაშიძის 10-ში შეგიძლიათ.
მასაჟი ყოველთვის კარგი იდეაა. მით უფრო, თუ მსოფლიოს საუკეთესო სპეციალისტები და ლეგენდარული გოგირდის წყალი ერთ კომფორტულ სივრცეშია თავმოყრილი. თბილისის საოცრება – „თბილისის ბალნეოლოგიური სპა კურორტი“ ჩვენი ნამდვილი საგანძურია.
სიყვარულით,
მაიკო წერეთელი
ჟურნალ OK!-ის მთავარი რედაქტორი
