თბილისის ცენტრიდან 15 წუთის სავალზე, ლისის ტბასთან, დედაქალაქის ულამაზესი ხედების ფონზე ლისი ივენთ ჰოლი უკვე წელიწადზე მეტია, რაც ფუნქციონირებს. მიუხედავად ხანმოკლე პერიოდისა, მრავალი მასშტაბური პროექტის მასპინძელია. ჰოლი სტუმარმასპინძლობის სექტორში საკუთარ კვალს ტოვებს, რომლის დიზაინიც და მაღალი სტანდარტიც ევროპულ და ქართულ ტრადიციულ სტილს აერთიანებს.
რა სახის მომსახურებას სთავაზობთ საზოგადოებას?
Lisi Event Hall-ი მრავალფეროვანია. კონკრეტული ივენთისადმი მისი მიდგომები კი უნიკალური, რაც გულისხმობს იმას, რომ ჩვენთან ყველა ღონისძიება ინდივიდუალურია და მისი დიზაინი და მნიშვნელოვანი დეტალები არ მეორდება. სტუმარს ვთავაზობთ ნებისმიერი სახის მომსახურებას, რაც კი საჭირო იქნება მისი ღონისძიების სრულყოფისათვის ყველაზე მინიმალური დეტალების გათვალისწინებით წვეულების დაგეგვმიდან ბოლომდე. ჰოლი არის წვეულებების არა მხოლოდ მასპინძელი არამედ ღონისძიების სრულად ორგანიზატორიც. Never Be The Same – ჩვენი მთავარი ნიშაა.
რა ტიპის ღონისძიების ორგანიზებაა შესაზლებელი ლისი ივენთ ჰოლში?
Hall-ის მრავალფეროვნებაში იგულისხმება, სწორედ ის, რომ სივრცეს აქვს უნარი მოდიფიცირდეს, გარდაისახოს და მოერგოს მრავალი სხვადასხვა სახის ღონისძიებას. მაგალითად: შეგვიძლია ვუმასპინძლოთ ბიზნეს სექტორს, ჩატარდეს კონფერენციები, პრეზენტაციები, კორპორატიული წვეულებები, მეჯლისები, გრანდიოზული ქორწილები და სტუმრისათვის სასურველი სხვადასხვა ხასიათისა და შინაარსის საღამოები. მოგეხსენებათ ჰოლი თავადაც არის მისი კერძო ივენთების ორგანიზატორი და პერიოდულად ტარდება კონცერტები და ლამაზი საღამოები. ლისი ივენთ ჰოლი ადგილია, სადაც ცოდნითა და გამოცდილებით სტუმრის სურვილები დღესასწაულად იქცევა.
უფრო ვრცლად რომ გაგავაცნოტ უშუალოდ სივრცე, როგორია მისი ინტერიერი და ექსტერიერი?
Lisi Event Hall-ის ინფრასტრუქტურა ერთ-ერთი მნიშვნელოვანი მიმართულებაა, რაშიც დამფუძნებელმა ძალიან ბევრი ძალისხმევა ჩადო და პროცესი დღემდე მიმდინარეობს იმისათვის, რომ სივრცე იყოს კიდევ უფრო დახვეწილი, ლამაზი, კომფორტული და ძალიან მაღალი სტანდარტების შესაბამისი. აქ აქცენტი ყოველთვის კეთდება ხარისხზე, სტუმრის კმაყოფილებასა და კომფორტზე. სწორედ ამ დეტალებს შეესაბამება ჰოლის როგორც ინტერიერი ასევე ექსტერიერი. გრანდიოზული ტერასა, უმაღლეს დონეზე ტექნიკურად გამართული გარემო, ერთიანი დიდი სივრცე რომელიც 2000 პერსონას მასპინძლობს და მასში ყველა საჭირო კომფორტი, დიდი და კეთილმოწყობილი პარკინგი ჰოლის დამატებითი და ერთ-ერთი მნიშვნელოვანი ასპექტია, LOVE GARDEN-ი ხელმოწერებისა და ღია ცის ქვეშ წვეულებების აღნიშვნისათვის, LISI EVENT VILLA ტერასით, აუზითა და სასტუმროს ნომრებით შედარებით მცირე სივრცე საუკეთესო ივენთებისათვის. ამ ყველაფერს მოიცავს LISI EVENT HALL-ის კომპლექსი და რა თქმა უნდა შთამბეჭდავი ხედი თბილისზე განსაკუთრებით ღამის საათებში როცა დაბნელდება და ყველაფერი ინთება ზღაპრიდან გადმოსულ სივრცეს ემსგავსება ჩვენი ჰოლი.
რა სახის ღონისძიებები იგეგმება ზაფხულისთვის?
2024 წლის ზაფხული-შემოდგომისათვის ჩვენი მთავარი მიმართულება და ხედვაა დიდი, გრანდიოზული ქორწილები. ისეთი, ბავშვობაში რომ ხშირად გვიოცნებია. გვსურს და შეგვიძლია, ეს ბავშვობის ოცნებები ჰოლში რეალობად ვაქციოთ. ამისათვის სრულიად მზად ვართ ყველა მიმართულებით.
ბოლოს, სამომავლო გეგმები გაგვიზიარეთ
სამომავლო გეგმებთან დაკავშირებით ვფიქრობთ ეტაპობრივად წარმოვადგინოთ ჩვენი სიახლეები. მიმდინარე წელს გვექნება ახალი კონცეპტი თანამედროვე დეკორაციების მიმართულებით, ასევე ქორწილთან დაკავშირებული მომსახურებების, რომელიც ჩვენ ბრენდს უფრო წარმატებულს და ცნობილს გახდის. ლისი ივენთ ჰოლი გახსნიდან დღემდე მუდმივად სიახლეებს სთავაზობს მომხმარებელს, ის განიცდის ვიზაულურ თუ ხარისხობრივ სწრაფ წინსვლას, ყოველ სეზონურად ახალ ფერებს და განახლებულ დიზაინს წარმოადგენს და ის მსგავსი მრავალეფეროვნებით განაგრძობს კიდევ მრავალ სეზონს. ჩვენი სლოგანია “არასოდეს იგივე”
