ლიკა კვარაცხელიას ერთ-ერთი ძლიერი მხარე ნამდვილად არის კულინარია. ვისაც ერთხელ მაინც დაუგემოვნებია მისი ნახელავი, ამაში ყველა დაგვემოწმება. ამჯერად ლიკა საშობაო კექსს ამზადებს. ისეთი სურნელი დაატრიალა „ფუდ ლაბში“, რომ გადამღები ჯგუფი კექსის საბოლოოდ გამოცხობამდე ქურას ვერ მოშორდა.
სამზადისში ლალი ტოტიკაშვილმაც მიიღო მონაწილეობა.
საჭირო ინგრედიენტები:
350 გრ „ლურპაკის“ კარაქი;
350 გრ ყავისფერი შაქარი;
350 გრ ფქვილი − ჩვენ გამოვიყენეთ უგლუტენო Bezgluten Bread Mix;
5 კვერცხი;
გამაფხვიერებელი;
ვანილი;
2 კოვზი ჯინჯერი;
ჯამში 400 გრ ნუში, ნიგოზი, ქეშიუ − ჩვენ გამოვიყენეთ თხილეული Kluth-ისგან, რომელიც მდიდარია ბოჭკოებით, ჯანსაღი ცხიმებით და ცილებით;
ჯამში 600 გრ ჩირი − ჩვენ გამოვიყენეთ Klein Export ჩირის ასორტი; თეთრი ქიშმიში, შავი ქიშმიში;
ცოტა მარილი;
დარიჩინის ჩხირი;
1 ცალი ფორთოხალი.
მომზადების წესი:
წვრილად ვჭრით ჩირს და 1 საათით ვაყენებთ კონიაკში, ან ხილის წვენში დარიჩინის ჩხირთან ერთად. ჩირი უნდა დარბილდეს. ასევე, წვრილად ვჭრით თხილეულს. ფორთოხლის ცედრას ვხეხავთ წვრილ სახეხზე.
გავთქვიფოთ კვერცხი და შაქარი, ჩავამატოთ კარაქი, გამაფხვიერებელი, ვანილი, ჯინჯერი, ცოტა მარილი და ფქვილი. ცომს ბოლოს ჩავამატოთ გადაწურული ჩირი, ფორთოხლის ცედრა და თხილეული. ჩავასხათ ცხიმწასმულ და ფქვილმოყრილ ფორმაში, შევდგათ 180 გრადუსზე გახურებულ ღუმელში ზედა და ქვედა წვაზე, ვაცხოთ 40 წუთი.
პარალელურად, დავჭრათ ფორთოხალი მრგვალ ნაჭრებად და გავუკეთოთ კარამელიზება ტაფაში: 100-120 გრ შაქარი და 80 გრამი კარაქი გავადნოთ დაბალ ცეცხლზე. რომ არ მიიწვას, მუდმივად ვურიოთ. ცხელ მასაში ჩავყაროთ ფორთოხლები და გავაჩეროთ 3-4 წუთით.
გამომცხვარი კექსი კარგად გაცივდეს და გადმოვიღოთ ლანგარზე, მოვაყაროთ შაქრის პუდრა, მოვუთავსოთ ფორთოხლები.
გემრიელად მიირთვით!
