როგორც იცით, უკვე რამდენიმე დღეა, რაც განუწყვეტლივ ვრცელდება ინფორმაცია, რომ გაერთიანებული სამეფოს მონარქი, მეფე ჩარლზი გარდაიცვალა, რაც სამეფო კარის ოფიციალურმა წყაროებმა უარყვეს და განაცხადეს, რომ ინფორმაცია სიმართლეს არ შეესაბამება. პირველად ჩარლზის გარდაცვალებასთან დაკავშირებული ინფორმაცია რუსულმა ტაბლოიდებმა გაავრცელეს, რასაც, რა თქმა უნდა, ბრიტანული ტაბლოიდებიც მოყვა. როგორც იუწყებიან, მეფე ჩარლზი ამჟამად მკურნალობას გადის, თუმცა პარალელურ რეჟიმში მნიშვნელოვანი ღონისძიებისთვის ემზადება, დიდ ბრიტანეთში ვარაუდობენ, რომ ჩარლზი მმართველობას უფროს შვილს, უილიამს გადააბარებს. ინფორმაცია ჯერჯერობით არცერთ ოფიციალურ წყაროს არ დაუდასტურებია.
შეგახსენებთ, რომ რამდენიმე კვირის წინ ჩარლზს პროსტატის სიმსივნის დიაგნოზი დაუსვეს. პრინცი ჰარი რამდენიმეთვიანი პაუზის შემდეგ ამერიკის შეერთებული შტატებიდან დიდ ბრიტანეთში სწორედ მამის სანახავად ჩაფრინდა. შეგახსენებთ, რომ ეს იყო მისი პირველი შეხვედრა და ვიზიტი მამასთან 2023 წლის მაისის შემდეგ, სწორედ ამ დღეს შედგა მისი კორონაცია: “მეფე ჩარლზი ინარჩუნებს სიმშვიდეს და პოზიტივს, მას სურდა, რომ ზედმეტი სპეკულაციების გაჩენის გარეშე გაეგოთ ადამიანებს რაში იყო საქმე, რა აწუხებდა მას და რატომ არ ჩანდა სხვადასხვა შეხვედრებზე. ის იმედოვნებს, რომ სხვა ადამიანებს, რომლებსაც აქვთ სიმსივნე გაუჩნდებათ იმედი ებრძოლონ ამ დაავადებას” – ამბობს სამეფო ოჯახთან დაახლოებული წყარო ბრიტანულ მედიასთან.
