კარდაშიანების კლანის ერთ-ერთი ყველაზე პოპულარული ქალბატონი, მოდისა და სილამაზის ბრენდების, მათ შორის KKW Beauty-ის, KKW Fragrance-ისა და SKIMS-ის დაფუძნებელი კიმ კარდაშიან ვესტი კვლავ მსოფლიო ყურადღების ცენტრშია.
მეტ გალას ისტორიაში ერთ-ერთი ყველაზე დასამახსოვრებელი ჩაცმულობის მქონე ვარსკვლავი ამჯერად Saturday Night Live-ს ესტუმრა, სადაც კვლავ ქართველი დიზაინერის დემნა გვასალიას მიერ შექმნილი სამოსით წარსდგა.
რეალითი შოუს ვარსკვლავმა SNL-ის მონოლოგში ყოფილ მეუღლესთან, ამერიკელ რეპერთან და პროდიუსერთან, ქანიე ვესტთან ურთიერთობაზე ისაუბრა
“ცოლად გავყევი ყველა დროის საუკეთესო რეპერს, რომელიც არამხოლოდ წარმატებული მუსიკოსი, არამედ ამერიკაში მცხოვრები ყველაზე მდიდარი შავკანიანი მამაკაცია, რომელმაც მე ოთხი შესანიშნავი შვილი მაჩუქა.”
SNL-ის ახალ ეპიზოდში მონაწილეობა კიმ კარდაშიანთან ერთად ისეთმა ვარსკვლავებმა მიიღეს, როგორებიც არიან პიტ დევიდსონი, კრის როკი, ჩეის კროუფორდი და ჯესი უილიამსი.
შეგახსენებთ, რომ კიმ კარდაშიანის, ქანიე ვესტისა და დემნა გვასალიას თანამშრომლობა ჯერ კიდევ მეტ გალამდე დიდი ხნით ადრე დაიწყო, როდესაც ამერიკელი რეპერის ქანიე ვესტის ახალი ალბომის Donda-ს პრეზენტაციის კრეატიულ დირექტორად დემნა გვასალია დაინიშნა.
Donda-სთვის შექმნილი თითოეული Listening Party მოიცავდა ბიბლიურ თემებს, რომლებიც გაფორმებული იყო გალობის მსგავსი მუსიკალური ხმოვანი ეფექტებით.
ერთ-ერთ პრეზენტაციაზე მაყურებელმა ქანიე ვესტთან ერთად მისი შვილების დედა კიმ კარდაშიანი იხილა, რომელიც სცენაზე საპატარძლო კაბით გამოჩნდა, “ბალენსიაგას“ უახლესი Haute Couture კოლექციიდან.
საუკუნის ერთ-ერთი ყველაზე წარმატებული ალბომის შემდეგ ქანიე ვესტის დიზაინით დემნა გვასალიამ კიმ გარდაშიანისთვის ექსკლუზიურად მეტ გალას ჩაცმულობა შექმნა, რომლის შემდეგაც რეალითი შოუს ვარსკვლავი საზოგადოების წინაშე ქართველი დიზაინერის სამოსით არაერთხელ წარსდგა.
წარმოგიდგენთ კიმ კარდაშიანის ბოლოდროინდელ პაპარაცული ფოტოებს SNL-ის ჩაწერების დროს, როდესაც ვარსკვლავმა ქართველი დიზაინერის სამოსი არაერთხელ მოირგო.
