მრავალფუნქციური სივრცე თბილისის ძველ უბანში
თუ ჯერ კიდევ არ გაქვთ საყვარელი ადგილი, სადაც მეგობრებთან ერთად სასიამოვნოდ გაატარებთ დროს, ან უბრალოდ გიყვართ სიახლე და ახალი, საინტერესო გემოების აღმოჩენა, მაშინ „ხედი და მეტი“ აუცილებლად მოგეწონებათ. ეს არის ადგილი, სადაც შეგიძლიათ გაექცეთ ზაფხულის სიცხეს და დატკბეთ თბილისის ულამაზესი ხედით. კაფე-ტერასა გპირდებათ სასიამოვნო გარემოს და განტვირთვას.
Khedi da more-ის უპირატესობები:
ლოკაცია…
„ხედი და მეტი“ მდებარეობს ძველ თბილისში, სალამის 6 ნომერში. სახელიდან გამომდინარე მიხვდებოდით, რომ ამ ადგილის მთავარი ხიბლი ხედია, რომელიც მთელ თბილისს გადაჰყურებს. ინტერიერში წარმოდგენილია შვეიცარიელ მხატვარ ლიკა ზენდერის საინტერესო ნამუშევრები, რომელიც კაფეს უფრო მიმზიდველსა და ორიგინალურს ხდის. ასევე, ნებისმიერ ქართველ შემოქმედს შეუძლია თავისი ნამუშევრის აქ განთავსება. კაფე-ტერასასთან ერთად ფუნქციონირებს სასტუმროც, რომელიც სტუმრებს კომფორტულ და სასიამოვნო გარემოს სთავაზობს.
მრავალფუნქციური სივრცე…
Khedi da more-ის სივრცე იტევს 80-მდე ადამიანს. გარკვეულ დღეებში იმართება სხვადასხვა ღონისძიება, მათ შორის ცოცხალი მუსიკის საღამოები. გარდა ამისა, ქართველი თანამედროვე არტისტების ნამუშევრების გამოფენები. ამ მრავალფუნქციურ სივრცეში შეგიძლიათ თქვენთვის მნიშვნელოვანი დღის (ქორწილის, დაბადების დღის წვეულების და სხვ.) აღნიშვნა და სასურველი ივენთის ჩატარება.
მომსახურება…
მომხმარებელს ელის ხარისხიანი მომსახურება და პროფესიონალთა გუნდი. მენიუ აერთიანებს ქართულ და ევროპულ სამზარეულოს. სერტიფიცირებული შეფმზარეული სტუმრებს ხშირად სთავაზობს ქართული კერძების ახლებურ და საინტერესო ინტერპრეტაციებს. ეს არის ადგილი, სადაც შეგიძლიათ ახალი და დასამახსოვრებელი გემოების აღმოჩენა.
მომხმარებელი…
კაფე-სასტუმროს ლოკაციიდან გამომდინარე, მომხმარებლებს შორის ბევრი ტურისტია. მოგეხსენებათ, ძველი თბილისი მათთვის მიმზიდველი და საინტერესო ადგილია. Khedi da more-ის გუნდისთვის მომხმარებლის გამოხმაურება ძალიან მნიშვნელოვანია.
სეზონიდან გამომდინარე, აქ მოსულ სტუმარს უფრო მეტად ტერასაზე ყოფნა უყვარს. აქ გრილი და სუფთა ჰაერია, რომლის ფუფუნება თბილისში არ გაგვაჩნია.
სამომავლო გეგმები…
„ხედი და მეტის“ მთავარი მიზანია ჩვენი ქალაქის პოპულარიზაცია, რის საშუალებასაც აღნიშნული ლოკაცია იძლევა. სამომავლოდ მომხმარებელს ელის ბევრი საინტერესო სიახლე, სასიამოვნო ღონისძიებები, დასამახსოვრებელი დღეები და ემოციები.
ტექსტი: სოფიო მალანია
ფოტო: ალექსეი სეროვი
