ქართული ბრენდი „კენე“ ნინი გოგსაძისა და ეკა სუდაძის მიერ შეიქმნა. ისინი თავად ამზადებენ და არჩევენ აქსესუარების დიზაინს. ბრენდმა ბაზარზე გამოჩენიდან ძალიან მოკლე დროში მოახერხა დაემკვიდრებინა საკუთარი ნიშა და საზოგადოების წინაშე ხარისხიანი, ძალიან დახვეწილი დიზაინის აქსესუარებით წარმდგარიყო. ჟურნალი OK! დამფუძნებლებს თავად ესაუბრა და მკითხველს მათ უფრო ვრცლად უამბეს ბრენდის ოპერირებისა და კონცეფციის შესახებ.
რას სთავაზობს ქართული ბრენდი „კენე“ მომხმარებელს?
ქართული ბრენდი „კენე“ მომხმარებელს სთავაზობს ქალისა და მამაკაცის ვერცხლის აქსესუარებს. თითოეული ნამუშევარი იქმნება სპეციალური დიზაინით და მზადდება საქართველოში უმაღლესი ხარისხის ვერცხლით.
როდის გამოჩნდა ბრენდი ბაზარზე?
ბრენდი შეიქმნა 2019 წელს, იდეის გაჩენიდან 2 თვეში. შექმნის დღიდან დაიმსახურა მომხმარებლის მოწონება და მალევე დაიმკვიდრა თავი ბაზარზე.
რა მიგაჩნიათ „კენეს“ მთავარ უპირატესობად?
„კენე“ მომხმარებელს სთავაზობს ხარისხიან და ამავდროულად, ხელმისაწვდომ პროდუქტს. აქსესუარები გამოირჩევა დახვეწილი დიზაინით, რომლებიც ნებისმიერი ადამიანის look-ს ელეგანტურსა და სრულყოფილს გახდის. მიგვაჩნია, რომ შევქმენით ჩვენი სტილი, წარმოვაჩენთ პროდუქციას ისე, რომ მომხმარებელმა სწორად აღიქვას და მართლაც ვიღებთ შესაბამის უკუკავშირს მათგან. ამ ყველაფერთან ერთად, „კენეს“ მთავარ უპირატესობად მივიჩნევთ მომხმარებელთან მეგობრულ ურთიერთობას, მათი ინტერესების გათვალისწინებას და კეთილგანწყობაზე ზრუნვას.
ნიშა, რომელიც სხვებისგან გამოგარჩევთ…
„კენეს“ მთავარი მახასიათებელი არის მისი ვიზუალური მხარე და ესთეტიკურობა, რომელიც დასამახსოვრებელია მომხმარებლისთვის და არაერთხელ აღუნიშნავთ, რომ ჩვენი აქსესუარების ფოტოს ნახვისას, მაშინვე უჩნდებათ ასოციაცია ჩვენს ბრენდთან. აღსანიშნავია შეფუთვაც, რომელიც ასევე გამოირჩევა ესთეტიკური ვიზუალით: თითოეული აქსესუარი თავსდება აბრეშუმის ნაჭრის ქისაში და მუყაოს ბრენდირებულ ჩანთაში.
როგორია პროდუქციაზე მუშაობის პროცესი და ვინ ქმნის აქსესუარების დიზაინს?
ამჟამად გვყავს რამდენიმე მჭედელი და ვთანამშრომლობთ ერთ-ერთ საწარმოსთან, რომელიც გვიმზადებს აქსესუარებს ჩვენი სურვილის გათვალისწინებით. ბრენდი მუდმივად ზრუნავს პროდუქციის მრავალფეროვნებასა და განვითარების უწყვეტ პროცესზე და აქტიურად სთავაზობს მომხმარებელს ახალ ტენდენციებს. ახალი კოლექციების დამზადების შემდეგ, ხდება შესაბამისი გარემოს შერჩევა გადაღებისთვის, რომელიც საუკეთესოდ წარმოაჩენს აქსესუარებს.
სამომავლო გეგმები…
გარდა იმისა, რომ „კენე“ გეგმავს ახალი კოლექციების შექმნას, ამავდროულად, მუშაობს ახალ პროექტზე, იგეგმება ბრენდის გაფართოება და ახალი ხაზის დამატება განსხვავებული მიმართულებით, რომელსაც მომხმარებელს უახლოეს მომავალში შევთავაზებთ.
FB: კენე • KENE
Insta: kene.accessories
TEL: 598 43 53 68
შოურუმი: მიცკევიჩის ქ. N6, მაღაზია „პარაისო“
