სამეფო ოჯახის წევრების ჩაცმულობა ალბათ არაერთი ადამიანის ინსპირაციის წყარო გამხდარა.
განსაკუთრებით საყურადღებოა კემბრიჯის ჰერცოგინიას ქეით მიდლტონის სტილი, რომელიც ყოველთვის კლასიკური, დახვეწილი და ყველასგან გამორჩეულია.
ქეითის სტილს ყველაზე მეტად გამორჩეულს და საკულტოს ის ფაქტი ხდის, რომ კემბრიჯის ჰერცოგინია არ მიეკუთვნება იმ ვარსკვლავების კატეგორიას, რომლებიც კონკრეტულ სამოსს საზოგადოებაში მხოლოდ ერთხელ იცვამენ.
გასულ დღეს უესტმინსტერის სააბატოში Anzac Day-ისადმი მიძღვნილი ღონისძიება გაიმართა, რომელსაც ქეითი “ალექსანდრ მაკქუინის” სამოსით დაესწრო. კემბრიჯის ჰერცოგინიამ სამოსი პირველად 2015 წელს მოირგო.
