მას შემდეგ რაც 44 წლის ამერიკელი რეპერი, პროდიუსერი და დიზაინერი ქანიე უესტი საკუთარი შვილების დედას, რეალითი შოუს Keeping Up With The Kardashians-ის ვარსკვლავს კიმ კარდაშიანს დაშორდა მისი პირადი ცხოვრება გამუდმებით უცხოური გამოცემებისა და ტაბლოიდების განხილვის საგანია.
მეუღლესთან დაშორების შემდეგ ამერიკელი რეპერი საერთაშორისოდ აღიარებულ მოდელს, 35 წლის ირინა შეიკს ხვდებოდა, მას შემდეგ კი ურთიერთობა 22 წლის ამერიკელ მოდელთან ვინეტრიასთან დაიწყო.
რამდენიმე საათის წინ Daily Mail-მა ოფიციალური ინფორმაცია გაავრცელა, რომ ქანიე და ვინეტრია ერთმანეთს საბოლოოდ დაშორდნენ.
ტაბლოიდები აღნიშნავდნენ, რომ წყვილს შორის ბევრი უთანხმოება იყო.
როგორც იცით, რამდენიმე კვირის წინ მერიკელმა რეპერმა ინსტაგრამზე TMZ-ის გამოქვეყნებული პოსტი გადააზიარა და ყოფილი მეუღლე კიმ კარდაშიანი მონიშნა, სადაც მას შერიგებას სთხოვდა.
“ჩვენ დავუშვით შეცდომები, პირადად მეც დავუშვი შეცდომები, ვაკეთებდი ისეთ რაღაცებს, რაც მეუღლისთვის შეუფერებელი იყო, თუმცა დღეს მე ვარ აქ და ვცდილობ შევცვალო ნარატივი, ღმერთი მე და კიმს აუცილებლად შეგვარიგებს.”
შეგახსენებთ, რომ ქანიე უესტმა და კიმ კარდაშიანმა ერთმანეთი პირველად 2003 წელს გაიცნეს, თუმცა ურთიერთობა ოფიციალურად მხოლოდ 2012 წელს გაასაჯაროვეს.
2009 წელს ქანიემ საკუთარ შემოქმედებაში კიმი პირველად ახსენა, რაც მათ შორის არსებულ რომანტიკულ ურთიერთობაზე კიდევ ერთხელ მიუთითებდა, 2010 წელს ამერიკელი რეპერი კარდაშიანების რეალითი შოუს ერთ-ერთ ეპიზოდშიც გამოჩნდა, 2012 წელს კი სიმღერით “Cold”ოფიციალურად განაცხადა, რომ კიმ კარდაშიანი უყვარდა, ვარსკვლავური წყვილის საჯარო დებიუტი 2012 წელს ნიუ-იორკში შედგა, მათ პირველი შვილი ამა წლის დეკემბერში შეეძინათ.
ქანიე და კიმი 2013 წელს მეთ გალას წითელ ხალიჩაზე ერთად გამოჩნდა, საბოლოოდ კი მათი ურთიერთობა 2014 წელს იტალიაში ქორწილით დააგვირგვინეს.
