33 წლის ინგლისელმა მომღერალმა და კომპოზიტორმა ჯესი ჯეიმ დიდხნიანი დუმილი დაარღვია და სოციალურ ქსელში სამწუხარო ინფორმაცია გაავრცელა.
როგორც ჩანს პოპვარსკვლავი ორსულად იყო, სიახლეს კი ჯერჯერობით საზოგადოებისთვის გაზიარებას არ გეგმავდა.
სამწუხაროდ, ჯესიმ ექიმთან მესამე ვიზიტისას უთხრეს, რომ მათ ბავშვის გულის ცემა აღარ ესმოდათ.
33 წლის მომღერალს მომდევნო დღეს ლოს ანჯელესში უნდა ემღერა, თუმცა კონცერტი არ გააუქმა, მისი თქმით, სიმღერა რთული პერიოდის გადალახვაში უფრო მეტად დაეხმარება.
პოპვარსკვლავმა სცენაზე ცრემლები ვერ შეიკავა, მისმა ემოციურმა გამოსვლამ კი სოციალური მედია მალევე მოიცვა.
View this post on Instagram
“გუშინ დილით ჩემს მეგობართან ერთად ვხუმრობდითუ როგორ უნდა ჩამეტარებინა კონცერტი ისე, რომ ჩემი ორსულობის შესახებ ადამიანებისთვის არაფერი მეთქვა. იმავე საღამოს კი საშინელი უბედურება დამატყდა თავს. ულტრასონოგრაფიაზე მესამე ვიზიტის დროს, ექიმებმა მითხრეს, რომ ბავშვის გულისცემა აღარ ისმოდა…”
“ემოციებს ვეღარ ვაკონტროლებ, შეიძლება მომავალში ვინანო ეს პოსტი რომ გამოვაქვეყნე, შეიძლება არა, ერთი რაც ვიცი, არის ის, რომ შოუს გაუქმება არ მსურს, მინდა ვიმღერო, არა იმიტომ, რომ ტკივილს გავექცე, არამედ იმიტომ, რომ ვიცი ეს პროცესი ამ მძიმე პერიოდის გადალახვაში დამეხმარება”.
“მე გადავწყვიტე ბავშვის დამოუკიდებლად გაჩენა. იმიტომ რომ ეს არის ყველაფერი რაც კი ოდესმე მსურდ, სიცოცხლე ხომ ხანმოკლეა. დაორსულება თავისთავად იყო სასწაული და ენით აღუწერელი გამოცდილება, რომელიც არასოდეს დამავიწყდება და ვიცი, რომ ისევ განმეორდება.”
