13 მარტს ცნობილი გახდა, რომ ალექს როდრიგესისა და ჯენიფერ ლოპესის ვარსკვლავურმა წყვილმა დაშორება გადაწყვიტა, მიზეზი ჯერჯერობით უცნობია, თუმცა ფაქტია რომ ოთხწლიანი ურთიერთობის შემდეგ მათ რომანში პრობლემებმა იჩინა თავი.
თუმცაღა, რაც უნდა გასაკვირი იყოს, ინფორმაციის გავრცელებიდან ზუსტად ერთ დღეში მოვლენები დრამატულად შეიცვალა, წყვილმა CNN-თან საუბარში აღნიშნა, რომ ისინი ჯერჯერობით ნიშნობის გაუქმებას აღარ აპირებენ და ურთიერთობის “გარკვეულ დეტალებზე მუშაობას განაგრძობენ”.
შეგახსენებთ, რომ წყვილმა ქორწინება ბოლო თვეებში რამდენჯერმე გადადო, რისი მიზეზიც ასევე უცნობია.
/cdn.vox-cdn.com/uploads/chorus_image/image/68958198/APTOPIX_Biden_Inauguration.0.jpeg)
აღსანიშნავია ის ფაქტიც, რომ რამდენიმე თვის წინ, სოციალურ ქსელებში ალექს როდრიგესთან დაკავშირებული სკანდალი გავრცელდა. როგორც ირკვევა, მასთან ურთიერთობის შესახებ სატელევიზიო ვარსკვლავის – მედისონ ლეკროის კომენტარმა საზოგადოებას ეჭვები გაუჩინა. როგორც ლეკროიმ Page Six-თან ინტერვიუში აღნიშნა, ის ჯენიფერის საქმროს ტელეფონით ხშირად ესაუბრებოდა, მაგრამ რეალურად მას არასდროს შეხვედრია. მედია წყვილის ურთიერთობაში გაჩენილი ბზარის ერთ-ერთ სავარაუდო მიზეზად სწორედ მედისონს ასახელებს.
