„ისტორიალი“ − ეს არის ბრენდი, რომელიც გთავაზობთ ქართული ოქრომჭედლობის უძველესი და უნიკალური ნიმუშების მიხედვით შექმნილი სამკაულისა და მცირე პლასტიკის, კერამიკისა და ტრადიციული ხალხური რეწვის ნიმუშების ფართო არჩევანს. ბრენდი საშუალებას გვაძლევს გავეცნოთ საქართველოს მდიდარ წარსულსა და მრავალფეროვან კულტურულ მემკვიდრეობას. ჟურნალი OK! „ისტორიალის“ დირექტორ მოლი თოფურიძეს ესაუბრა, რომელმაც უფრო ვრცლად გვიამბო ბრენდის ისტორიისა და მთავარი დატვირთვის შესახებ.
გვიამბეთ „ისტორიალის“ შესახებ. რამდენი ხანია ქართულ ბაზარზე გამოჩნდა და როგორ დაიბადა იდეა?
„ისტორიალი“, როგორც სოციალური საწარმო, ქართულ ბაზარზე 2000 წლიდან გამოჩნდა. მისი დამაარსებელი იყო ააიპ „ხელოვნების საერთაშორისო ცენტრი“ − თავდაპირველად, როგორც დამოუკიდებელი პროგრამა − ბრენდი „ისტორიალი“, ხოლო 2012 წლიდან როგორც იურიდიული პირი − შეზღუდული პასუხისმგებლობის სოციალური საწარმო.
„ისტორიალის“ დაარსების მთავარი იდეა გახლდათ ქართული კულტურული მემკვიდრეობის პოპულარიზაციის ხელშეწყობა და არქეოლოგიურ გათხრებში აღმოჩენილ არტეფაქტებზე დაყრდნობით, სასაჩუქრე პროდუქციის შექმნა. ასევე, ამ სფეროში მომუშავე ოსტატების დასაქმება.
რა არის ბრენდის მთავარი დატვირთვა?
აღნიშნული ინიციატივის მიზნები იყო:
- ცენტრის ბენეფიციარების − ხალხური რეწვისა და მომიჯნავე დარგებში მომუშავე ოსტატების დასაქმება;
- დონორი ორგანიზაციების გრანტების პარალელურად, ცენტრის ალტერნატიული შემოსავლების წყაროს მოძიება მისი მიზნების განსახორციელებლად;
- ქართული რეწვის, ტრადიციული ტექნოლოგიებისა და ფორმების შენარჩუნება და ბაზრის მოთხოვნების შესაბამისად განვითარება;
- ქართული კულტურის პოპულარიზაცია.
რას სთავაზობთ საზოგადოებას?
„ისტორიალი“ გთავაზობთ ქართული ოქრომჭედლობის უძველესი და უნიკალური ნიმუშების მიხედვით შექმნილი სამკაულისა და მცირე პლასტიკის ნიმუშების ფართო არჩევანს.
„ისტორიალის“ სალონში წარმოდგენილი არქეოლოგიური ძეგლების მიხედვით შექმნილი კოლექციის საშუალებით გაეცნობით საქართველოს მდიდარ წარსულს და მრავალფეროვან კულტურულ მემკვიდრეობას, ასევე, სამკაულის განვითარების ისტორიას საქართველოში, რომელიც ხუთი ათასი წლის განმავლობაში გრძელდება.
კოლექცია თანდართული გამოფენებით მრავალჯერ წარდგა მსოფლიოს სხვადასხვა ქალაქის − ფლორენციის, პარიზის, ლუქსემბურგის, ბრიუსელის, ნიუ იორკის, ვაშინგტონის, ოსტინის სამხატვრო გალერეებსა თუ სალონებში, საერთაშორისო ბაზრობებსა თუ სასაჩუქრე ჩვენებებზე.
ხელოვნების საერთაშორისო ცენტრი „ისტორიალი“, 22-წლიანი გამოცდილებით, წამყვანი ორგანიზაციაა შემოქმედებითი ინდუსტრიების სფეროში.
რა სახის მასალაზე მუშაობთ?
სამკაულის დასამზადებლად ვიყენებთ სხვადასხვა მასალას − ვერცხლს, მოოქრულ ვერცხლს, ბრინჯაოს, სხვადასხვა დამუშავებულ ძვირფას ქვას, ცივ მინანქარს, თიხასა და კერამიკას.
როგორ იქმნება სამკაულის დიზაინი? რა არის ინსპირაცია?
წარმოდგენილი სამკაულის, მცირე პლასტიკისა და კერამიკის ნიმუშები, შექმნილი და მხატვრულად გადამუშავებულია „ისტორიალის“ ჯგუფის წევრების მიერ საქართველოს ტერიტორიაზე − არმაზისხევის, სამთავროს, ახალგორის, ვანის, ფიჭვნარის, შილდის, მელაანის, ბედენის და ა.შ. არქეოლოგიური გათხრების დროს აღმოჩენილი ნივთების მოტივებზე, რომელთა ორიგინალები დათარიღებულია ძვ.წ.აღ.ის XXV-ახ.წ.აღ.ის V საუკუნეებით.
გვესაუბრეთ შეფუთვაზე.
„ისტორიალის“ მიერ შექმნილ პროდუქციას მოჰყვება საინფორმაციო თეგები, სადაც აღნიშნულია ნივთის წარმომავლობა, თარიღი და მცირე ისტორია. ასევე − მასალა, ზომები. შეფუთულია სპეციალურ ყუთებში და საბოლოო პროდუქტი თავსდება ჩანთებში, რომელიც გაფორმებულია დამატებითი აპლიკაციებით. შეფუთვაში „ისტორიალი“ მიყვება ფერის ეფექტს.
როგორ ხდება შეკვეთა და მომხმარებლამდე მიწოდება?
„ისტორიალის“ პროდუქცია წარმოდგენილია Show room-ში, ასევე, აქვს ვებგვერდი, Facebook და ინსტაგრამგვერდები. შეკვეთები შესაძლებელია როგორც ადგილზე, ასევე დისტანციურად. შესაბამისად, მიწოდება ხდება როგორც კურიერის მეშვეობით, ასევე ადგილზე მომსახურებით.
გვიამბეთ სამომავლო გეგმებზე.
ვგეგმავთ წარმოების, კოლექციების გაფართოებას და ასევე საერთაშორისო ბაზრის გაზრდას, ხოლო ამისთვის საერთაშორისო ბაზრობებზე მონაწილეობას. სექტემბერში ჩვენი პროდუქცია წარმოდგენილი იქნება პარიზში Meizone d’obje-ის ჩვენებაზე.
FB: ISTORIALI
Insta: istoriali_shop
Tel: 598 87 44 55
Email: gacc@gaccgeorgia.org
gaccgeorgia.org
