სწორად შერჩეულ სამოსს შეუძლია თავი უფრო ბედნიერად გვაგრძნობინოს, ამიტომ როდესაც სანამ სასურველ კაბას ან შარვალს შეიძენთ, მსოფლიოში ერთ-ერთი ყველაზე ცნობილი კონსულტანტის, მარი კონდოს რჩევა გაიხსენეთ და საკუთარ თავს ჰკითხეთ -„მანიჭებს თუ არა ეს ნივთი სიხარულს?“.
ნებისმიერი გარდერობის შექმნის მთავარი პრინციპი მისი აქტუალურობაა. სამოსი თქვენი ცხოვრების წესს უნდა შეესაბამებოდეს და თანამედროვე ტენდენციებს უნდა ასახავდეს, ამიტომ გირჩევთ გაითვალისწინოთ, რომ არსებობს სამოსი, რომელმაც აქტუალურობა დაკარგა და ანტიტრენდად იქცა.
- ნეონი
2025 წელს მკვეთრმა ფლუორესცენტულმა ტონებმა აქტუალურობა დაკარგა. რამდენიმე ბრენდმა (მაგალითად, Gucci, Balenciaga, Ferragamo) ნეონის რამდენიმე ვარიანტი წარმოადგინა, თუმცა ამჟამად მოდა უპირატესობას ნეიტრალურ ტონებს ანიჭებს, ხოლო თუ პოდიუმებზე რაიმე საინტერესოს ვხედავთ, ეს პრინტები ან პასტელური ფერებია.
- შარვალი–კარგო
განიერმა, ჯიბეებიანმა კარგო-შარვლებმა ასევე დაკარგეს პოპულარობა. პოდიუმებზე 2023 წელს დაბრუნებულმა შარვლებმა ახლა ისეთ ლაკონიურ და მარადიულ სილუეტებს დაუთმეს ადგილი, როგორიცაა ვიწრო ან კლასიკური მოდელები.
- Y2K ესთეტიკა
რამდენიმეწლიანი დომინირების შემდეგ, 2000-იანების სტილი (Y2K) თანდათან წარსულს ბარდება. დაბალი წელი, კროპ-ტოპები და პერის ჰილტონის ლუქებით შთაგონებული კაბები აქტუალური აღარ არის. რა თქმა უნდა, თუ ძალიან გსურთ, შეგიძლიათ ამ ესთეტიკით ისიამოვნოთ, მაგრამ თუ არასდროს მოგწონდათ, თამამად უნდა დაივიწყოთ.
- ვარდისფერი
როგორ მოხვდა ვარდისფერი ანტიტრენდების სიაში, როცა კოლექციებში ასე ჭარბადაა? ყველაფერი მარტივადაა – ახლა ტრენდშია ნაზი, პასტელური ტონები, ხოლო ფუქსია, რომელიც გრეტა გერვიგის „ბარბი“-ს გვახსენებს, მოდიდან საბოლოოდ გადავიდა.
- კოკეტის სტილი (Coquette)
მინი-ქვედაბოლოების, ბაფთებით, ფუშფუშა სახელოებისა და ნაზი ნაქარგების (broderie anglaise) ტენდენცია პოზიციებს თმობს. ეს რომანტიკული დეტალები გარდერობის უფრო სადა და თანამედროვე ელემენტებს უთმობს ადგილს.
- განიერი, პარაშუტი-შარვლები
მსუბუქი ქსოვილისგან დამზადებული განიერი შარვლები, რომლებიც 2024 წლის ზაფხულში ტრენდული იყო, პოზიციებს თმობს. რით ჩავანაცვლოთ? ჩვეულებრივი სპორტული შარვლები კარგი ალტერნატივა იქნება. ისინი არანაკლებ კომფორტული და ბევრად უფრო აქტუალურია.
- სპორტული კომბინაცია
ჰუდისა და სპორტული შარვლის ერთობლიობა მაქსიმალურად კომფორტული ლუქია, რომელიც პანდემიის დროს და მის შემდეგ ტრენდული იყო, თუმცა ახლა დიზაინერები გვთავაზობენ, რომ ეს ნივთები არა ერთად, არამედ ცალ-ცალკე ვატაროთ და საღამოს ან საქმიან სამოსს შევუხამოთ.
- ჯინსის მაქსი–ქვედაბოლო
გრძელი ჯინსის ქვედაბოლოები, რომლებიც გასულ ზაფხულს ბევრ ფეშენ-ინფლუენსერს ეცვა, ადგილს მიდი ვარიანტებს უთმობს. ბუნებრივია, ეს არ ნიშნავს, რომ მაქსი-ქვედაბოლო უნდა გადააგდოთ, მაგრამ თუ ახალი მოდელის შეძენას აპირებთ, ჯობია ყურადღება სხვა ვარიანტებზე შეაჩეროთ.
ასევე დაგაინტერესებთ
