ირინა შეიხისლამოვა, ბევრისთვის ცნობილი როგორც ირინა შეიკი, მსოფლიოში ერთ-ერთი ყველაზე მაღალანაზღაურებადი მოდელია, რომელიც ფართო საზოგადოებამ 2007 წელს როგორც Intimissimi-ის ახალი სახე ისე გაიცნო. წარმატებული კამპანიებისა და პროექტების შემდეგ ირინამ მოდის ინდუსტრიაში მნიშნელოვანი ადგილი დაიკავა, 2010 წელს კი გახდა პირველი რუსი მოდელი, რომელმაც Sports Illustrated-ის გარეკანი დაამშვენა.
პროფესიული საქმიანობის შესრულების დროს ირინას ხშირად უწევს სხვადასხვა ქვეყნებში მოგზაურობა. იქიდან გამომდინარე, რომ მოდელს აქვს გადატვირთული გრაფიკი და კარიერული საქმიანობის პარალელურად თავისუფალი დროის უმეტეს ნაწილს ქალიშვილთან ერთად ატარებს, მისი ჩაცმის სტილი ყოველთვის მარტივია და კომფორტული, თუმცა ყოველთვის მოდური და გამორჩეული. ერთ-ერთი ყველაზე მნიშვნელოვანი დეტალი ირინას რუტინაში კანის მოვლაა. მოდელი აღნიშნავს, რომ სახის კანის გასაჯანსაღებლად ტრადიციულ მეთოდს იყენებს.
“მე რუსეთში გავიზარდე, ისეთ ადგილას, სადაც გამუდმებით ძალიან ცივა. როდესაც ვიღვიძებ, ან ვმგზავრობ, თვალები მისივდება. სახლში მისვლისთანავე მივდივარ მაცივართან და ყინულს ვიღებ, ჯერ თვალებს გარშემო ვისვამ, შემდეგ კი მთელს სახეზე. მიყვარს ასევე დამატენიანებელი პროდუქტების გამოყენება, რომლებსაც ყოველთვის ვატარებ ჩანთით.”
მაკიაჟი
“ყოველდღიური მაკიაჟი ჩემთვის ძალიან მინიმალისტურია. ვიყენებ ცოტაოდენ კორექტორს, თუმცა არასდროს ტონალურს. ძალიან მომწონს Marc Jacobs-ის ქონსილერი, რომელსაც თვალებს ქვეშ სიშავეების დასაფარად ვიყენებ. ასევე ვამოვარჩევდი ამავე ბრენდის ქოქოსის ჰაილაითერს. მაკიაჟის პროდუქტებთან ერთად ჩემი ყოველდღიურობის განუყოფელი ნაწილი ტუჩის ბალზამია, რომელსაც ჩანთით ყოველთვის თან ვატარებ.”
დილა შესანიშნავი საშუალებაა დაიწყო დღე პოზიტიურად
“ვცდილობ დილა კარგი გაწყობით დავიწყო. არ მიყვარს სიჩქარე, ყოველთვის ვიტოვებ დროს საკუთარი თავის მოსაწესრიგებლად. გაღვიძებისთანავე ვსვამ ლიმონიან წყალს და შხაპის მიღების შედეგ პირველ რიგში გამომშრალ კანს ვიტენიანებ. თუ სამსახურში წასვლამდე დრო მრჩება, ფიზიკური აქტივობით სახლშივე ვკავდები, ან სპორტდარბაზში მივდივარ. ვარჯიში პოზიტიურ განწყობს მინარჩუნებს და ყოველთვის მაძლევს საჭირო ენერგიას.“
ამბობენ, წიგნი არ უნდა განვსაჯოთ გარეკანის მიხედვით, ამიტომაც, ირინა ფიქრობს, რომ თავად ადამიანი უფრო მნიშვნელოვანია, ვიდრე სხეულის საფარველი. იქიდან გამომდინარე, რომ ადრეულ ასაკში მოდელს ჯინსის შარვლის საყიდელი ფულიც კი არ ჰქონდა, მის ცხოვრებაში არასდროს თამაშობდა მნიშვნელოვან როლს ტანსაცმელი.
“ჩემს სამშობლოში ამბობენ, ტანსაცმელი ადამიანს არ ქმნისო, რაც არ უნდა უცნაური იყოს, სამოსი არასდროს არ თამაშობდა მნიშვნელოვან როლს ჩემს ცხოვრებაში. წიგნი გარეკანის მიხედვით არ უნდა განსაჯო, ამიტომ რაც თქვენშია ის უფრო მნიშვნელოვანია, ვიდრე რაც გაცვიათ.”
